Қашқадарё вилоятининг Нишон туманида тергов ишини давом эттириш учун тадбиркордан пул сўраган ИИБ терговчиси қамоққа олинди. Бу ҳақда Telegram’даги «Қитмир мухбир» канали хабар берди.
Маълум бўлишича, Нишон туман ИИБ терговичиси 2022 йилнинг сентябрь ойида қамоққа олинган.
Терговчи ишини Жиноят ишлари бўйича Деҳқонобод туман суди кўриб чиқади, — дейди «Дарё» манбаси.Эслатиб ўтамиз, вилоятнинг Нишон туманида фаолият юритувчи тадбиркор Бекзод Бердиев ИИБ терговчиси ўз ишини якунлаши учун таъмагирлик қилиб, ундан пул сўраганини айтганди.
Тадбиркор терговчи таъмагирлиги ҳақида айтиб, «Дастлабки тергов ҳаракатлари бошланган пайтда терговчи одамлардан оладиган пулимдан уларга улуш ажрацам, ишим тезроқ битишини айтиб, мендан пул сўради. Ишим тезроқ битиши учун мен ҳам бунга рози бўлдим», — деганди.
Тадбиркорнинг мазкур айбловига жавоб берган вилоят ИИБ аудиоёзувдаги овоз терговни олиб борган масъул ходимга тааллуқли эмаслигини маълум қилганди.
Изоҳ (1)
Ишонаман, корани ок окни кора килувчи бу тергов ьулими, терговчилар прокуратура , судга хам пул ташийди булар, шикоятлар жуда куп шу масалади лекин хеч кайси хукук химоя килувчи орган инобатга олмайди .