Ёмон ухладингизми? Об-ҳаво ўзгаряптими? Атмосфера босими яна организмга таъсир қилдими? Ёки ёшингиз ўтиб боряптими? Бош оғриғининг ортида аслида нима яширинган бўлиши мумкин? Elle нашри қуйида ушбу саволга жавоб берди.
Сувсизланиш
Бош оғриғининг энг кенг тарқалган сабаби организмда суюқлик етишмаслигидир. Томирлар орқали айланиб юрадиган қон ҳажми камаяди, бу эса қон босимининг пасайишига олиб келади. Натижада бошда оғриқ, бутун организмда заифлик пайдо бўлади. Организмда суюқлик даражасини диққат билан кузатиб бориш керак, айниқса интенсив машғулотлардан кейин сув ичишни одатга айлантириш лозим.
Кам ҳаракатга асосланган ҳаёт тарзи
Узоқ вақт давомида бир жойда ўтирганда, қон оёқлардан юракка қайтиб, аввалгидан камроқ ҳажмда айланади. Натижада қон босими пасаяди ва қон айланишининг секинлашиши билан бошда оғриқ пайдо бўлади.
Иссиқ ҳаммомда кўп вақт ўтказиш
Ҳеч қачон душ ёки ҳаммомни бир мунча вақт ўтгач пайдо бўладиган бош оғриғи билан боғлаганмисиз? Буғли ҳаммом ёз кунида тўғридан-тўғри қуёш нури каби қон томирларининг кенгайишига олиб келади. Табиий ҳароратни тиклаш учун организм ортиқча ишлай бошлайди ва зўриқиш туфайли мияга кўпроқ қон боради. Бунга йўл қўймаслик учун иссиқ душда ўтказиладиган вақтни қисқартириш ёки сувнинг ҳароратини мослаштириш керак.
Ҳомиладорлик
Бош оғриғи ҳомиладор аёллар учун одатий ҳодиса бўлиб, бу бўлажак оналарнинг 80 фоизида кузатилади. Одатда тўсатдан ҳаракат қилинганда, юрак бунга дарҳол жавоб бериб, мияга кўпроқ қон қуяди. Аммо ҳомиладорликда бу қон бачадонда мажбурий пит-стопни келтириб чиқаради, чунки у ерда ҳомила ўсади, бунинг натижасида мия ярим кортексини рағбатлантириш учун етарли бўлмайди. Мумкин бўлган ноқулайликни камайтириш учун тўсатдан ҳаракатлар қилмасликка ва умуртқа поғонасининг кучли бурилишига йўл қўймаслик лозим.
Қонда шакар миқдорининг камайиши
Мия энергия ишлаб чиқариш учун глюкозага муҳтож ва организмнинг бошқа ҳужайраларидан фарқли ўлароқ, у ўз заҳираларини тўплай олмайди. Агар оғриқ манбаи пешона ҳудудида бўлса ёки у бошнинг бутун юзасига тарқалса, бу овқатланиш вақти келганлиги ҳақида сигнал бўлиши мумкин. Лекин ширинлик ёрдами билан уни меъёрдан оширмаслик лозим. Ҳар икки-уч соатда мураккаб углеводларни истеъмол қилиш орқали қонда шакарни барқарор ушлаб туриш тавсия этилади.
Изоҳ (0)