Кунига икки марта тишларни ювиш, ҳар овқатланишдан сўнг тиш иплари билан тозалашнинг маълум бўлишича, унчалик фойдаси йўқ, баъзан эса зарар ҳам етказиши мумкин, деб ёзади Wday.
Тишларни тозалаш ҳақида гап кетганда, унда, албатта, эрталаб ва кечқурун тиш чўткаси ва пастасига мурожаат қилиш керак, аммо кейин оғизни сув ёки махсус суюқлик билан ювиш шарт эмас. Бу комбинация тишлардан фторидни олиб ташлайди, яъни ҳар қандай фойда йўқ қилади.
Тиш пастасида махсус фаол моддалар мавжуд бўлиб, улар тишларга ёпишиши ва иш бериши учун маълум вақтни олади. Бундай ҳолда, ҳатто оддий сув билан ювиш ҳам маҳсулотнинг барча афзалликларини камайтиради.
Аммо муаммони бартаараф этиш учун тиш пастасини яхшилаб тупуриш ёки фторидли чайиш суюқлигидан фойдаланмаслик кифоя. Қолаверса, тишлар ва оғиз бўшлиғига ғамхўрлик қилиш бўйича учта муҳим қоидага амал қилиш уларни соғлом сақлашга ёрдам беради:
Тиш чўткасини тез-тез алмаштириш
Тиш чўткаси яхши тозалаши учун уни мунтазам равишда алмаштириб туриш муҳим, чунки эски тиш чўткасида ёмон бактериялар кўпайиши ҳеч кимга сир эмас. Мутахассислар чўткаларни ҳар 3-4 ойда бир марта ўзгартиришни маслаҳат беради. Айниқса шамоллашни бошдан кечирганлар тузалгандан сўнг дарҳол тиш чўткасини ўзгартириши керак.
Тиш чўткасини тўғри сақлаш
Тиш чўткасини умумий ҳаммомда сақлаш, албатта, нотўғри фикр. Бундай тартиб эгалари ўзининг тиш чўткасини махсус ёпиқ қутида сақлаши мумкин, чунки очиқ ҳавода чўтка юзасига турли хил чанг ва бактериялар кўпроқ ўрнашади.
Тиш ипидан фойдаланиш
Тишларни махсус ип билан тозалаш чўткага қўшимча равишда амалга оширилиши керак. Ип ва чўткадан биргаликда фойдаланиш тишларнинг сиртини деярли тўлиқ тозаланишини кафолатлайди ва шу билан кислоталарнинг юзаларга узоқ муддатли таъсирини камайтиради. Бугунги кунда бозорда турли хил таъмли иплар мавжуд. Улар тиш эмалини кариесдан ҳимоя қилишга ёрдам беради, милкни мустаҳкамлайди ва нафасни янада ёқимли ифор билан бойитади.
Изоҳ (0)