Анор ва унинг шарбати соғлиққа фойдали таъсир кўрсатадиган кўплаб фаол моддаларни ўз ичига олади. Lifehacker нашри анорнинг қандай афзалликларга эга эканини таҳлил қилди.
Организмни фойдали моддалар билан таъминлайди
Анорда соғлиқ учун зарур бўлган кўплаб макро ва микроэлементлар мавжуд:
- 10 мг кальций — кунлик истеъмолнинг 1,5 фоизи;
- 12 мг магний — кунлик истеъмолнинг 4 фоизи ;
- 36 мг фосфор — кунлик истеъмолнинг 6 фоизи ;
- 236 мг калий — кунлик истеъмолнинг 7 фоизи;
- 0,3 мг темир — эркаклар учун кунлик истеъмол қилишнинг 4 фоизи ва репродуктив ёшдаги аёллар учун тахминан 2 фоизи;
- ушбу мевада жуда кўп миқдордаги C витамини мавжуд.
Ёмон экология, ультрабинафша нурлари, чекиш ва бошқа салбий омиллар оксидловчи стрессга олиб келиши мумкин. Бу организмда жуда кўп эркин радикаллар ҳосил бўладиган ҳолат — реактив кислород турлари, ҳужайраларга зарар етказади ва уларнинг ўлимига олиб келиши мумкин.
Анор эса полифенолларга бой — бу эркин радикалларни зарарсизлантирадиган ва организмни оксидловчи стрессдан ҳимоя қиладиган табиий бирикмалардир. Хусусан, мевада танин, катехин ва флавоноидлар мавжуд. Бундан ташқари, сувли мева таркибида юқори антиоксидант фаоллигига эга пуникалагин мавжуд.
Ушбу таркибий қисмлар туфайли анор шарбати эркин радикаллар билан қизил шароб ва кўк чойга қараганда уч баравар яхши курашади ва бу сифатда узум, грейпфрут ва апельсин шарбатини саккиз марта ортда қолдиради.
Саратоннинг айрим турларидан ҳимоя қилади
Анор экстракти простата, ўпка ва ичакдаги саратон ҳужайраларининг ўсишига тўсқинлик қилиши мумкин. Ферментланган анор шарбати ва уруғ ёғи кўкрак ва тери ўсмалари кўпайишининг олдини олади.
Албатта, анор билан даволаш аниқ натижага эмас, чунки тадқиқотларнинг аксарияти синов найчасидаги саратон ҳужайраларида ёки ҳайвонларда ўтказилган. Аммо ушбу меванинг фойдали моддалари маълум даражада касалликнинг ривожланишидан ҳимоя қилиши мумкин.
Юрак‑қон томир фаолиятини қўллаб-қувватлайди
Анор шарбати қон босимини пасайтиради ва пуник кислотага бой мева уруғи ёғи атеросклероздан ҳимоя қилади. Бир вақтнинг ўзида бир нечта тажрибалар анор шарбати ёки экстрактини истеъмол қилиш иккинчи турдаги диабетга чалинган одамларда юрак‑қон томир касалликлари учун хавф омилларини камайтиришини тасдиқлади.
Гемоглобин даражасини оширади
Гемоглобинга рациондаги темир миқдори ва унинг организм томонидан яхши сўрилиши катта таъсир кўрсатади. Юқорида айтиб ўтилганидек, анор таркибида жуда кўп C витамини мавжуд бўлиб, у ушбу элементнинг сўрилишига ёрдам беради, шунинг учун анор ёки унинг шарбатини мунтазам истеъмол қилиш анемиядан ҳимоя қилиши мумкин. Бир тадқиқот шуни кўрсатдики, анор шарбатининг 500 миллилитр дозаси икки ҳафта давомида ҳар куни ичилса, қизил қон ҳужайралари сонини сезиларли даражада оширади ва гемоглобин даражаси кўтарилади.
Тоғайлар ҳолатини яхшилайди
Тоғай тўқималардаги шикастланишлар турли хил касалликларда, шу жумладан артроз ва ревматоид артритда кузатилади. Бу иккала касаллик ҳам вақт ўтиши билан оғриқ ва ҳаракатчанликни чеклашга олиб келади. Бундай ҳолда, артроз ҳам, ревматоид артрит ҳам яллиғланишга қарши оқсилларни чиқариш билан боғлиқ. Бундай бирикмаларнинг кўплиги вазиятни ёмонлаштиради.
Анор экстрактидан олинган полифеноллар яллиғланиш билан курашишга ёрдам беради, тоғайлар ҳолатига ва таъсирланган бўғимнинг ишлашига фойдали таъсир кўрсатади.
Патоген бактерия ва замбуруғларга қарши курашади
Анор экстракти кандидозни келтириб чиқарадиган, фурункул ва карбункул билан бошланиб, пневмония, менингит ва остеомиелитгача бўлган кўплаб касалликларнинг олдини олади. Анорнинг спиртли экстракти овқат ҳазм қилиш тизими касалликлари ва ичак саратони билан боғлиқ бактерияларга қарши курашади.
Тери ҳолатини яхшилайди
Қуёш нурлари тери ҳужайраларига зарар етказади ва саратон хавфини оширади. Бир тадқиқотда анор шарбати, экстракти ва ёғи терининг шикастланиши нуқтаи назаридан энг хавфли бўлган ультрабинафша нурларидан зарарни камайтириши мумкинлиги аниқланди. Бундан ташқари, меванинг бир қисми бўлган эллагик кислотани маҳаллий қўллаш қуёш нурлари таъсирида яллиғланишни камайтиради.
Альцгеймер касаллигидан ҳимоя қилади
Ушбу касаллик мияда эримайдиган бирикмалар‑амилоид ҳосил бўлишига ёрдам берадиган бирикма тўпланиши билан боғлиқ. Сичқонлар устида ўтказилган бир тажрибада анор шарбати ушбу пептиднинг гипокампусда — хотира учун масъул бўлган мия тузилишида тўпланиш хавфини ярмига камайтиргани аниқланди. Демак, анор Альцгеймер касаллиги хавфини камайтириши мумкин.
Яраларни даволашга ёрдам беради
Ҳайвонларда ўтказилган тажрибаларда анор экстракти яраларни даволашга ёрдам бериши аниқланди. Анор экстракти терининг асосий оқсили бўлган коллаген синтезини оширади, шунингдек, зарарли бактериялардан ҳимоя қилади.
Изоҳ (0)