Тиббиёт ҳали ривожланмаган вақтларда шифокорлар беморларни табиий маҳсулотларнинг комбинацияси билан даволаган. Ўшандан кейин ушбу озиқ-овқат маҳсулотлари нафақат очликни қондиришда, балки дори сифатида ҳам қўлланила бошланди. «Новий очаг» нашри дори воситаларининг ўрнини босиши мумкин бўлган маҳсулотлар рўйхати билан бўлишди.
Йўталда
Бир неча бўлак қора шоколад йўталга қарши сиропларидан анча самарали. Хал университети тадқиқоти шуни тасдиқладики, муолажанинг бир қисми бўлган тебромин алкалоиди йўтални кодеинга қараганда анча яхши тинчлантиради, шунчаки ҳалқумнинг нервларига ижобий таъсир кўрсатади.
Кучли бош оғриғида
Кучли бош оғриғида яшил сув ўтлари — хлорелла жуда яхши курашади. Бу ўсимлик барча рақобатчиларни бир ҳақиқат билан мағлуб қилади: унинг таркибида кўп миқдорда бўлган хлорофил мавжуд. Сув ўтлари кукуни дорихоналарда сотилади, уни сув ва лимон билан аралаштириб, ичиш ва оғриқдан халос бўлиш мумкин.
Кариесда
Лавлаги шарбати — тишларни кариесдан ҳимоялайдиган, эмални мустаҳкам ва ташқи таъсирларга чидамлироқ қиладиган маҳсулот. Гап нитрат кислота тузлари ҳақида кетмоқда, ушбу ичимлик унга бой: тишларнинг асосий душмани бўлган сут кислотаси бактериялари шарбатга чидай олмайди. Лавлаги шарбатини ҳар куни ичиш ва чиройли табассумга эга бўлиш мумкин.
Уйқусизликда
Айрим одамларда ухлаб қолиш қийин кечади ёки кечалари уйғониб кетади. Ушбу муаммони бартараф этиш учун кечки овқатда қайнатилган тухум истеъмол қилиш тавсия этилади. Аминокислота триптофанга бой маҳсулот уйқу сифатига жуда фойдали таъсир кўрсатади ва уйқусизликни енгишга ёрдам беради. Асосийси, ухлаб қолишдан бир неча соат олдин тухум истеъмол қилиш.
Диққатни жамлаш қийинлашганда
Кучли чарчоқ туфайли диққатни жамлаш қийинчилик туғдиряптими? Қаҳвага қўл чўзманг – ўрнига бир стакан апельсин шарбатини қуйинг: унинг таркибидаги флавоноидлар организмни олти соатгача энергия билан таъминлайди. Ажабланарлиси шундаки, апельсин шарбатини ичиш иш фаолиятида ҳам самарадорликни оширади.
Узоқ умр кўриш учун
Ҳафтасига икки марта балиқ истеъмол қилиш организм учун жуда ҳам фойдали бўлиб, у узоқ умр кўришга ёрдам беради. Бу Гарвард университети олимлари томонидан 16 йил давомида олиб борилган тадқиқот натижасидир.
Изоҳ (0)