Жорий йилнинг июль—сентябрь ойларида Ўзбекистон кўчмас мулк бозорида ўсувчи динамика сақланиб қолди. Бу ҳақда Марказий банк хабар бермоқда.
Ушбу ўсаётган динамикага чет элликлар томонидан яшаш жойларига бўлган талабнинг ортиши, аҳолининг иккиламчи даромадлари ўсиши ҳамда мавсумий омиллар ҳисобига эришилди.
Бозордаги фаоллик ва олди-сотди шартномалари
Мамлакатнинг барча ҳудудларида кўчмас мулк олди-сотдиси бўйича тузилган шартномалар сони ошди.
Жорий йил июль—сентябрь ойларида 79,9 мингта шартномалар расмийлаштирилиб, ўтган йилнинг мос даврига нисбатан 20 фоизга ошди. Кўрсаткичнинг баланд бўлиши асосан август ва сентябрь ойларида тузилган шартномалар билан боғлиқ.
Ҳудудлар бўйича тақсимланганда энг юқори ўсиш кўрсаткичлари Хоразм (41 фоиз), Навоий (39 фоиз), Жиззах (32 фоиз) ва Қашқадарё (30 фоиз) вилоятларига тўғри келмоқда.
Ушбу даврда Тошкент шаҳрида ўтган йилнинг мос даврига нисбатан 18 фоизга кўпроқ шартномалар расмийлаштирилган.
Бундан ташқари, қидирув тизимларида энг кўп изланган сўровлар натижаларига кўра, ушбу даврда бозор фаоллиги сезиларли даражада ошган.
2022 йилда кўчмас мулк сектори бўйича қидирувлар сони ўзгариши:
Шу билан бирга, мамлакатда кўчмас мулкни сотиб олиш ва ижарага олишга бўлган қизиқиш маълум мамлакатлардан, хусусан, россияликлар томонидан ўтган чорак бошидан сезиларли даражада ошган.
«Яндекс» сўров тизими орқали Россия фойдаланувчилари томонидан «Тошкентда кўчмас мулк» бўйича изланган сўровлар сони, (минг):
Бу қўшимча талаб ва нарх муҳитига нафақат жорий чоракда балки, келгуси давр учун ҳам босим ўтказади.
Шу даврда таклиф ўртача барқарор даражада сақланиб қолиб, бозорда ҳосил бўлган юқори талабни қисман мувозанатлаштирмоқда.
Изоҳ (0)