2022 йилнинг сентябрь ойида йиллик инфляция даражаси 12,2 фоизни, озиқ-овқат маҳсулотлари инфляцияси эса 16,6 фоизни ташкил этди. Бу ҳақда Марказий банк ҳисоботидан маълум бўлди.
Ҳудудлар кесимида, 8 та ҳудудда инфляция кўрсаткичлари Ўзбекистон бўйича ўртача умумий инфляция даражасидан баланд бўлди.
Бунда, Қорақалпоғистон Республикаси, Навоий, Сирдарё, Сурҳондарё ва Наманган вилоятларида озиқ-овқат нархлари ўсиши суръатлари қолган ҳудудларга нисбатан юқорироқ эканлигини кўриш мумкин.
Шунингдек сентябрь ойида аҳоли томонидан сезилган инфляция пасаювчи динамикани давом эттириб, 14,8 фоизни ташкил этди.
Мамлакат ҳудудлари кесимида сезилган инфляциянинг нисбатан юқори кўрсаткичлари Бухоро, Наманган вилоятлари ва Тошкент шаҳрида кузатилган бўлса, нисбатан паст кўрсаткичлар Навоий, Андижон ҳамда Сурхондарё вилоятларида қайд этилди.
Аввалроқ Ўзбекистонда бизнес соҳаси вакиллари келгуси бир йилда нархлар 13,8 фоизга ошишини кутаётгани ҳақида хабар берилган эди.
Изоҳ (0)