Товуқ ва помидор қайласидан мазали макаронли таом тайёрлаймиз

Товуқ филеси, хуштаъм помидор соуси ва пишлоқ макаронли таомнинг янада мазали бўлишини таъминлайди. Таомга ўзингиз ёқтирган кўкатларни ҳам қўшишингиз мумкин.

Керакли масаллиқлар:

• товуқ филеси — 3 дона
• пиёз — 1 дона
• помидор қайласи — 400-450 г
• саримсоқ — 2 донача
• ўсимлик ёғи — 2 қошиқ
• туз — таъбга кўра
• мурч —  таъбга кўра
• майдаланган қалампир —  таъбга кўра
• макарон — 300 г
• пишлоқ — таъбга кўра

1. Товуқ филесини ўртача бўлакларга бўлиб олинг ва пиёз, помидор ва саримсоқни майда бўлакларга бўлинг.
2. Ўсимлик ёғини ўртача оловда қиздириб олинг. Пиёзни юмшоқ бўлгунча ва қизаргунга қадар 4-5 дақиқа давомида қовуринг. Унга саримсоқ қўшинг ва яна ярим дақиқа пиширинг.
3. Идишга товуқ филесини солинг. Барча бўлаклари пишгунича қовуриб олинг.
4. Помидор қайласини туз ва қалампир билан аралаштиринг. Уни идишга солинг ва ўртача оловда тахминан 20-25 дақиқа қайнатиб олинг.
5. Макаронни ҳам 8-10 дақиқа қайнатиб олинг. Уни фильтрдан ўтказинг.
6. Макаронни товуқ ва қайла билан арлаштиринг. Таомни дастурхонга тортишдан олдин устига майдаланган пишлоқ солинг.

Мавзуга доир:

• Қийма ва карамдан мазали пирог тайёрлаймиз.
• Товуқ гўшти, яшил нўхат ва қаймоқли соусдан макаронли таом тайёрлаймиз.
• Бақлажон ва помидордан мазали салат тайёрлаймиз.
• Беш дақиқада тайёр бўладиган пишлоқли хачапури