Занжабил, асал ва цитрус меваларини пиширмасдан ҳам иммунитет учун фойдали бўлган мураббо тайёрлаш мумкин. Атиги бир неча дақиқа ичида шамоллашдан қутқарадиган, кайфиятни кўтарадиган ва куч-қувват берувчи витаминга бой аралашма ҳосил бўлади, деб ёзади «Новий очаг».
Бунинг учун занжабил илдизи сотиб олинади. Лимоннинг янгиси танланади. Асал эса сув буғи ёрдамида бироз илитилади. Кейин занжабил, лимон ва асалдан соғлом, хушбўй, нозик таъмли мураббо тайёрланади, уни қайнатиш ҳам керак эмас. Шамоллашнинг биринчи аломатларидаёқ чойга қўшиб ичиш ёки шунчаки ўзини истеъмол қилиш мумкин.
Иш учта лимон, 6-7 см узунликдаги занжабил илдизи ва 200 грамм асални тайёрлаб олишдан бошланади. Лимонлар яхшилаб ювилади, занжабил илдизи тозаланади.
Лимон қобиғи билан катта тўртбурчак шаклда кесиб олинади. Худди шу тарзда занжабил ҳам майдаланади.
Тоғралган лимон ва занжабил блендерга солинади, бир хил масса ҳосил бўлгунча майдаланади. Иммунитетни мустаҳкамлашда фойдали бўлган мураббо деярли тайёр.
Занжабил-лимон аралашмаси идишга солинади ва асал қўшилади. Аралашмани бир қанча муддат давомида музлаткичда сақлаш мумкин.
Изоҳ (0)