Қат-қат хамирдан мазали круассан тайёрлаймиз

Ушбу мазали круассанни эрталабги нонушта учун тайёрлаш мумкин. Бунинг учун фақат учта маҳсулот керак бўлади. Ширинликка қуюлтирилган сутнинг ўрнига ўзингизга ёққан мурабболарни ҳам қўшишингиз мумкин.

Керакли масаллиқлар:

• хамиртурушли қат-қат хамир — 500 г
• қуюлтирилган сут — 180 г
• тухум — 1 дона
• ёнғоқ — таъбга кўра

1. Хамирни 3-4 мм қалинликдаги тўртбурчак шаклида ёйинг. Уни ўткир пичоқ билан 4-8 та тенг тўртбурчакларга бўлиб олинг, сўнгра ҳар бир қисмни диагонал равишда ярмига бўлинг.
2. Листга пергамент қоғози солинг. Учбурчакларнинг кенг қисмига 1-2 чой қошиқ қуюлтирилган сут солинг.
3. Қуюлтирилган сутни ён томонидан суртиб, учбурчакларни ўрамаларга айлантиринг. Листга бўлакларнинг пастки томонини қўйинг. Уларни сочиқ билан ёпинг ва илиқ жойда 15-20 дақиқага қолдиринг.
4. Печни 190 даража ҳароратда қиздиринг. Тухумни вилка билан аралаштиринг ва хамирга суртинг. Унинг устига ёнғоқ сепишингиз ҳам мумкин. Круассанларни қизаргунга қадар 15-20 дақиқа давомида пиширинг.

Мавзуга доир:

• Картошка ва товуқ қиймасидан мазали егулик тайёрлаймиз.
• Сутли крем қўшилган мазали пончиклар тайёрлаймиз.
• Қийма ва карамдан мазали пирог тайёрлаймиз.
• Товуқ гўшти, яшил нўхат ва қаймоқли соусдан макаронли таом тайёрлаймиз.