Пиёз қўшиб хуштаъм картошкали котлет тайёрлаймиз

Картошка ва пиёздан тайёрланадиган котлетлар жуда юмшоқ ва шу билан бирга мазали таъмга эга бўлади. Уларга помидор қайласи ёки сметана қўшиб истеъмол қилишингиз мумкин.

Керакли масаллиқлар:

• картошка — 1 кг
• туз — таъбга кўра
• пиёз — 4 дона
• ўсимлик ёғи — 6 қошиқ
• тухум — 1 дона
• мурч — таъбга кўра
• ун — 6-7 қошиқ

1. Картошкани тахминан 10-15 дақиқа давомида озгина туз қўшилган сувда пишганича қайнатиб олинг. Совигандан сўнг картошкаларни катта тишли қирғичдан ўтказинг.
2. Пиёзни майдаланг. Унга ёғнинг ярмини қўшиб юмшоқ бўлгунча ва енгил қизаргунча қовуринг. Пиёзни совитишга қўйинг.
3. Картошкани пиёз ва тухум билан аралаштиринг, унга озгина туз ва мурч қўшинг. Устига ун солинг ва яна аралаштиринг.
4. Маҳсулотлар аралашмасини кичик котлетлар шаклига келтиринг. Таъбга қараб, ун, нон бўлаклари ёки маккажўхори ёрмасини солинг.
5. Котлетларни ёғ солинган товада иккала томони қизаргунча қовуринг.

Мавзуга доир:

• Картошка ва товуқ қиймасидан мазали егулик тайёрлаймиз.
• Сутли крем қўшилган мазали пончиклар тайёрлаймиз.
• Қийма ва карамдан мазали пирог тайёрлаймиз.
• Товуқ гўшти, яшил нўхат ва қаймоқли соусдан макаронли таом тайёрлаймиз.