Бугун,

  • USD 11095.31
  • RUB 173.84
  • EUR 10772.44

2000 йилларда «Уддабурон болалар» кинофраншизасида асосий қаҳрамонларнинг ролини ижро этишни барча болалар орзу қилган. Фильмнинг биринчи қисми экранларга чиққанига 20 йил бўлди.

Фото: The Voice

Фото: The Voice

2001 йилда «Уддабурон болалар» фильмининг биринчи қисми экранларга чиққанидан кейин ундаги суперқаҳрамонлар катта машҳурликка эришди. Фильмнинг биринчи қисмида қуйидаги воқеалар содир бўлади: Грегорио ва Ингрид Кортес (ушбу ролларни Антонио Бандерас ва Карла Гужино ижро этган) махфий суперагент бўлиб ишлайди. Бироқ улар анча олдин нафақага чиқади ва фарзанд кўради. Шунингдек улар ўтмишини яшириб, оддий инсонлардек ҳаёт кечира бошлайди. Бир воқеа сабаб ҳаммаси ўзгариб кетади: Кортес ишлаган агентликдан бир нечта айғоқчилар ғойиб бўлади. Грегорио ва Ингрид ишга қайтади — бироқ жуфтлик ғалати мавжудотлар билан тўлдирилган сирли қасрда қўлга олинади. Кичик Грегорио — Жуни ва Кармен ота-оналарига ёрдам бериш учун юборилади — улар ҳаттоки онаси ва отасининг нима иш билан шуғулланаётганига шубҳаланмайди.

Блокбастер тез фурсатларда кассада катта маблағ ишлаб топди ва шундан кейин фильмнинг давоми суратга олинди. 2001 йилдан бери «Уддабурон болалар» фильмининг 4 та қисми экранларга чиқарилди — унинг охирги қисми 2011 йилда экранларда пайдо бўлган.

Фото: «Yandex.ru»

Фото: «Yandex.ru»

Кармен ва Жуни ролини ижро этган Алекса Вега ва Дерил Сабара суперюлдузларга айланди — уларга янги лойиҳалардан кўплаб таклифлар тушди. Бугунги кунда актёр ва актриса телеекранларда кўриниш бермай қолди. «Уддабурон болалар» эса уларнинг кино оламдаги энг муваффақиятли лойиҳаларидан бири бўлди.

Фильмнинг илк қисмини суратга олиш пайтида Алекса Вега 12 ёшда бўлган. Ҳозир 34 ёшда болган актриса вақти-вақти билан фильмларда суратга тушади ва турли телекўрсатувларда иштирок этади. «Юлдузлар билан рақс» фильми эса шунга мисол бўла олади. Алекса 2014 йилда хонанда Карлос Пеня билан турмуш қурган. Ҳозирда жуфтлик уч нафар фарзанд: икки нафар ўғилни ва бир нафар қизни тарбияламоқда.

Фото: The Voice

Фото: The Voice

Дерил Сабара эса «Уддабурон болалар» фильмида суратга тушган пайтда 8 ёшда бўлган. Бундан ташқари, бу лойиҳа Дерил учун биринчи актёрлик иши бўлмаган.

Фото: «Yandeks.ru»

Фото: «Yandeks.ru»

Дерил ўсмирлик пайтида кўплаб сериал ва фильмларда рол ижро этган — масалан, у Disneyнинг «Вейверли Плейс сеҳргарлари» номли болалар сериалининг кўплаб қисмларида бир неча йил давомида рол ўйнаган.

Актёр 2010 йилдан бошлаб кино сериалларда суратга тушишни тўхтатди. Бироқ у мультфильмлар ва видео ўйинларни овоз бера бошлади. Сабара 2018 йилда таниқли хонанда Меган Трейнорга уйланди. Жуфтлик 2021 йилнинг қишида биринчи марта ота-она бўлди.

Дерил бир неча бор Алекса Вегани ҳали ҳам ўзининг катта опаси деб билишини айтган. «Уддабурон болалар» фильмининг суратга олиш жараёнларида Алекса ва Дерил яқин дўстга айланган. Улар ҳозир ҳам муносабатларини сақлаб қолган.

Мавзуга доир:

Изоҳ
Асосий янгиликлар
Маҳаллий
Россияда содир бўлган ЙТҲда бир нафар ўзбекистонлик ҳалок бўлди, яна тўрт киши жароҳат олди
Дунё
Тожикистонда музликлар эриши тезлашди. Бу музликлар деярли бутун Марказий Осиёни чучук сув билан таъминлайди
Дунё
Зеленский Путиннинг ҳибсга олинишига берилган ордерни “бурилиш нуқтаси” деб атади