Киноижодкорлар ўз фильмларида кичик деталларни қўшиб томошабинларга кичик ишоралар қолдиришни яхши кўрадилар. Улар бутун ҳикояни умумий фонда яшириши ёки қаҳрамоннинг сўзларини бошқа маънода ҳам бериши мумкин.
“Гарри Поттер ва тилсим шаҳзода” (2009)
“Гарри Поттер ва тилсим шаҳзода” фильмида газетадан Амелия Бонс исмли жодугар ўз уйида жонсиз ҳолда топилганини ўқиш мумкин. Айнан у “Гарри Поттер ва Феникс ордени”даги қисмда Поттерни ҳимоя қилган жодугар эди.
“Чип ва Дейл” (2022)
“Чип ва Дейл”да уй элфи Добби “Гарри Поттер” франшизаси тугаганидан кейин Gucci учун намуна бўлганини кўришингиз мумкин.
“Қирмизи қизалоқ” (2022)
“Қирмизи қизалоқ” мультфильмида бу икки қизнинг қўлларида пластирни кўриш мумкин. Бу 1-тоифа диабет билан оғриган беморларга инсулин юбориш учун инфузион тизимдир. Гап шундаки, фильмнинг техник назоратчиси Сюзан Фонгга болалигида 1-тоифа қандли диабет ташхиси қўйилган.
“Тепага қарама” (2021)
“Тепага қарама” фильмида Кейт йигитига “Динозаврларни йўқ қилгандан ҳам катта комета Ер томон учиб келяпти”, деб айтади ва айни дамда фонда динозавр либосидаги йигит кўринади.
“Геркулес” (1997)
“Геркулес”да Гадес шундай дейди: “Болалар, дам олинглар. Эндигина вақтнинг ярми ўтди” — бу мультфильмнинг 46-дақиқасида содир бўлади. Мультфильм эса 92 дақиқа давом этади.
“Уйда ёлғиз” (1990)
“Уйда ёлғиз” фильмида катталар аэропортга боришдан олдин оила аъзоларини санаётганда, жами 17 киши борлигини таъкидлайдилар. Бу битта микроавтобусда 8 та, қолганида эса 9 та йўловчи бўлиши керак деган маънони англатади. Кевин йўқлиги сабабли иккала фургонда ҳам 8 киши бўлган ва ҳар биридаги йўловчилар бошқа фургонда 9 киши бўлиши керак деб ўйлашган.
“Қинидан чиққан пичоқлар” (2019)
Фильмда Ренсом ёқаси йиртилган ва бир неча жойидан тешилган свитер кияди. Либослар дизайнери Ренсомнинг ўзига бефарқлиги ва оиласига нисбатан ҳурматсизлигини кўрсатиш учун ушбу детални қўшади.
“Гарри Поттер ва Азкабан маҳбуси” (2004)
“Гарри Поттер ва Азкабан асири” фильмида сеҳргар Стивен Хокингнинг “Вақтнинг қисқача тарихи” асарини ўқиётганини кўришингиз мумкин.
“Сенинг исминг” (2016)
“Сенинг исминг” анимесида Мицуҳа ва Теши дарахтдан вақтинчалик кафе учун фойдаланади, шунинг учун кейинчалик шаҳардаги дарахтлардан бири йўқолганини кўриш мумкин.
Изоҳ (0)