Жаҳон киносининг энг буюк комедиячиларидан бири Луи де Фюнес иштирокидаги фильмларни кўрмаган одам бўлмаса керак. Фюнес қаҳрамонлари ҳар доим самимий ва ҳайратланарли даражада кулгилилиги билан қалблардан ўрин олган. Қуйида актёр иштирокидаги бешта култ комедияни томоша қилишни тавсия қиламиз.
«Фантомас» (1964)
Режиссёр: Андре Юнебел
Комиссар Жувенинг айёр жиноятчи Фантомасни таъқиб қилишдаги ақл бовар қилмайдиган саргузаштлари ҳақидаги трилогиядаги биринчи фильм. Париж Фантомас исмли сирли ёвуз одам томонидан содир этилган шов-шувли жиноятлардан ҳайратда. Уни қўлга олиш учун барча полиция кучлари сафарбар қилинади, лекин Фантомасни қўлга олиш осон иш эмас — у ҳар доим қиёфасини ўзгартириб, адолат қўлидан айёрлик билан чиқиб кетади. Фақат хушмуомала ва бироз кулгили комиссар Жуве жиноятчининг изига тушишга муваффақ бўлади. «Фантомас»дан кейин трилогиянинг қолган иккита фильмини — «Фантомас кучайди» (1965) ва «Фантомас Скотланд Ярдга қарши» (1967) фильмларини томоша қилишни унутманг.
«Сен-Тропелик жандарм» (1964)
Режиссёр: Жан Жиро
Луи де Фуунеснинг яна бир узоқ давом этган лойиҳаси — бу камтар, аммо ғайратли жандарм Людовик Крюшонинг саргузаштлари ҳақидаги кўп қисмли фильм. 18 йил давомида Луи де Фюнес бу характердан ажралмади! Бу вақт ичида олтита ёрқин комедия суратга олинди, уларнинг ҳар бири томошабинларнинг меҳр-муҳаббатидан баҳраманд бўлди. Картиналарнинг сюжети жуда оддий. Жасур жандарм Крюшо ўзининг гўзал қизи Никол билан қулай Сент-Тропе курорт шаҳрига келади. Меҳрибон, аммо аҳмоқ маҳаллий жандармлар Крюшони ўз даврасига мамнуният билан қабул қилишади. Аммо уларнинг қувончи узоққа чўзилмайди.
«Оскар» (1967)
Режиссёр: Эдоуар Molinaро
Луи де Фюнеснинг қаҳрамони — йирик саноатчи Бертран Барниэр аҳмоқона кунни ўтказади. Эрталаб унинг олдига менежер келади ва маошини оширишни талаб қилади — унинг айтишича, оила қурмоқчи экан. Ян кимга денг, Барниэрнинг қизига - ёқимтой Колеттга. Колетт, ўз навбатида, ҳайдовчи Оскарни яхши кўради, лекин биринчи учрашган одамга турмушга чиқишга тайёр.
«Катта таътил» (1967)
Режиссёр: Жан Жиро
Бу ерда ҳам Луи де Фюнес ота сифатида намоён бўлади. Ва ян болалар муаммоси. Катта ўғли Филипп инглиз тили имтиҳонидан ўта олмайди, шунинг учун отаси, нуфузли хусусий мактаб директори жаноб Боске уни Буюк Британияга, ҳурматли инглиз оиласига юборади. Аммо Филиппнинг ёз учун бутунлай бошқача режалари бор — у ўрнига дўстини Буюк Британияга юборади, ўзи эса инглиз қизини олиб, дўстлари билан яхтада ёзги саёҳатга жўнайди. Ёлғон фош бўлади ва жаноб Боске қочоқларни қидиришга тушади.
«Хасис»
Режиссёр: Луи де Фюнес, Жан Жиро
Молернинг ўлмас «Хасис» песаси экранлаштирилган фильмда Луи де Фюнес чидаб бўлмас зиқна Гарпагон ролини ўйнайди. Картина сюжети оддий: Гарпагоннинг ўғли, қизи ва олтин сандиғи бор. Ва у ҳар учаласининг тақдирини аллақачон ҳал қилган. Ўғил ўрта ёшли бадавлат бевага, қизи ўзи тенги, лекин ундан кам бўлмаган бой чолга турмушга чиқиши керак. Сандиқ абадий ерга кўмилиши ва ўлган Гарпагоннинг руҳини иситиши керак. Аммо унинг болалари бутунлай бошқача режа тузишади — улар аллақачон бошқа одамларни яхши кўришади. Фақат тилла тўла сандиққина уларга севгилиси билан боғланишга ёрдам беради, чунки Гарпагон болаларнинг бахтли бўлишига йўл қўймаса, унинг айёр хизматкор томонидан яширган хазинаси ҳеч қачон унга қайтарилмайди.
Изоҳ (0)