Lisa.ru Голливуднинг машҳур фильмида роль ижро этган актёр ва актрисаларининг ҳаёти ҳақида ҳикоя қилади.
Мерил Стрип — Миранда Пристли
Кўплаб нуфузли мукофотларга сазовор бўлган Голливуднинг машҳур актрисаларидан бири фильмда қатъий ва талабчан раҳбар — мода журналининг бош муҳаррири Миранда Пристли ролини ўйнаган. Маълум бўлишича, Мерил бу ролга қийинчилик билан мослашган, чунки ҳаётда у бутунлай бошқача. Қариндошлари ва ҳамкасблари уни меҳрибон ва ҳамдард инсон сифатида билишади.
Миранда образи машҳур америкалик Vogue муҳаррири Анна Винтур туфайли яратилган. Мерил, кўплаб актёрлар сингари, ролга яхши мослашиши учун ўз қаҳрамонининг прототипи билан мулоқот қилмайди.
Ҳозирда 73 ёшдаги Стрип ҳали ҳам фильмларда роль ўйнайди. Шунингдек, «Оскар» мукофоти совриндори актриса Дон Гуммер билан қарийб 45 йил бахтли турмуш қурган, у билан тўрт фарзандни тарбиялаган.
Энн Хетеуэй – Андреа
«Маликанинг кундалиги» фильмидаги муваффақиятдан сўнг Анна Голливуддаги энг талабгир актрисалардан бирига айланди. 2006 йилда унга «Қаттиққўл хоним» фильмида бош ролни таклиф қилишди. Хетеуэй ёш журналист сифатида қайта туғилди, у талабчан Миранда Пристлининг ёрдамчисига айланди. Мода ҳақида ҳеч нарса билмайдиган қиз ўз ишида қолиши учун вазифасини тезда ўрганиши керак эди.
Йиллар давомида Энн кўплаб муваффақиятли фильмларда суратга тушди ва бугунги кунда ҳам ўз фаолиятида давом этмоқда. Актрисанинг шахсий ҳаётида ҳаммаси жойида: у актёр ва заргар Адам Шулманга турмушга чиққан, ҳозирда икки ўғли бор.
Эмили Блант – Эмили
Ушбу лойиҳада иштирок этиш Эмилига машҳурлик келтирди - фильм чиққандан сўнг унга бош ролларни таклиф қилиш кўпайди. «Қаттиққўл хоним» фильмида у Миранда Пристлининг катта ёрдамчиси Эмили ролини ўйнади. Андреадан фарқли ўлароқ, қаҳрамон мода оламини забт этишни ва Миранданинг ўнг қўли бўлишни орзу қилган.
Фильмда Эмили Андреага унчалик яхши муносабатда бўлмаса-да, ҳаётда ушбу фильм туфайли улар яқин дўстларга айланишди. Блант турмушга чиққан Жон Красинскини у билан Энн таништириб қўйган. Бугунги кунда эр-хотиннинг икки ўғли бор.
Стенли Туччи – Найжел
Стенлининг образи гарчи иккинчи даражали бўлса-да, лекин фильмдаги муҳим роллардан бири. У журналнинг ижодий директори сифатида, тажрибасиз ва дидсиз Андреани борича қабул қилган ягона одам эди.
Қизнинг ўзгаришига ва ўзига ишонишига ёрдам берган Найжел эди. Туччи Фелисити Блант билан турмуш қурган ва эр-хотиннинг икки фарзанди ҳам бор.
Саймон Бейкер – Кристиан
Актёрнинг фильмдаги қаҳрамони Кристиан ёзувчи бўлиб, у Андреага Гарри Поттернинг ҳали нашр этилмаган янги китобини топишга ёрдам берган. Бу китоб Миранданинг эгизак қизлари яхши кўрган асар эди.
Кристиан ҳам Андреани мафтун этган ва йигити билан муносабатлари ёмонлашишига сабабчи бўлади. Бироқ у қизга керак бўлган одам эмасди. Бейкернинг ушбу лойиҳадаги роли унинг бутун ижодий таржимаи ҳолидаги энг муҳимларидан биридир. Актёр 2020 йилда рафиқаси австралиялик актриса Ребекка Ригг билан ажрашган, у билан деярли 25 йил бирга яшаб, уч фарзандни вояга етказганди.
Изоҳ (0)