Jahon kinosining eng buyuk komediyachilaridan biri Lui de Fyunes ishtirokidagi filmlarni ko‘rmagan odam bo‘lmasa kerak. Fyunes qahramonlari har doim samimiy va hayratlanarli darajada kulgililigi bilan qalblardan o‘rin olgan. Quyida aktyor ishtirokidagi beshta kult komediyani tomosha qilishni tavsiya qilamiz.
“Fantomas” (1964)
Rejissor: Andre Yunebel
Komissar Juvening ayyor jinoyatchi Fantomasni ta’qib qilishdagi aqlbovar qilmaydigan sarguzashtlari haqidagi trilogiyadagi birinchi film. Parij Fantomas ismli sirli yovuz odam tomonidan sodir etilgan shov-shuvli jinoyatlardan hayratda. Uni qo‘lga olish uchun barcha politsiya kuchlari safarbar qilinadi, lekin Fantomasni qo‘lga olish oson ish emas — u har doim qiyofasini o‘zgartirib, adolat qo‘lidan ayyorlik bilan chiqib ketadi. Faqat xushmuomala va biroz kulgili komissar Juve jinoyatchining iziga tushishga muvaffaq bo‘ladi. “Fantomas”dan keyin trilogiyaning qolgan ikkita filmini — “Fantomas kuchaydi” (1965) va “Fantomas Skotland Yardga qarshi” (1967) filmlarini tomosha qilishni unutmang.
“Sen-Tropelik jandarm” (1964)
Rejissor: Jan Jiro
Lui de Fuunesning yana bir uzoq davom etgan loyihasi — bu kamtar, ammo g‘ayratli jandarm Lyudovik Kryushoning sarguzashtlari haqidagi ko‘p qismli film. 18 yil davomida Lui de Fyunes bu xarakterdan ajralmadi! Bu vaqt ichida oltita yorqin komediya suratga olindi, ularning har biri tomoshabinlarning mehr-muhabbatidan bahramand bo‘ldi. Kartinalarning sujeti juda oddiy. Jasur jandarm Kryusho o‘zining go‘zal qizi Nikol bilan qulay Sent-Trope kurort shahriga keladi. Mehribon, ammo ahmoq mahalliy jandarmlar Kryushoni o‘z davrasiga mamnuniyat bilan qabul qilishadi. Ammo ularning quvonchi uzoqqa cho‘zilmaydi.
“Oskar” (1967)
Rejissor: Edouar Molinaro
Lui de Fyunesning qahramoni — yirik sanoatchi Bertran Barnier ahmoqona kunni o‘tkazadi. Ertalab uning oldiga menejer keladi va maoshini oshirishni talab qiladi — uning aytishicha, oila qurmoqchi ekan. Yan kimga deng, Barnierning qiziga - yoqimtoy Kolettga. Kolett, o‘z navbatida, haydovchi Oskarni yaxshi ko‘radi, lekin birinchi uchrashgan odamga turmushga chiqishga tayyor.
“Katta ta’til” (1967)
Rejissor: Jan Jiro
Bu yerda ham Lui de Fyunes ota sifatida namoyon bo‘ladi. Va yan bolalar muammosi. Katta o‘g‘li Filipp ingliz tili imtihonidan o‘ta olmaydi, shuning uchun otasi, nufuzli xususiy maktab direktori janob Boskye uni Buyuk Britaniyaga, hurmatli ingliz oilasiga yuboradi. Ammo Filippning yoz uchun butunlay boshqacha rejalari bor — u o‘rniga do‘stini Buyuk Britaniyaga yuboradi, o‘zi esa ingliz qizini olib, do‘stlari bilan yaxtada yozgi sayohatga jo‘naydi. Yolg‘on fosh bo‘ladi va janob Boskye qochoqlarni qidirishga tushadi.
“Xasis”
Rejissor: Lui de Fyunes, Jan Jiro
Molyerning o‘lmas “Xasis” pyesasi ekranlashtirilgan filmda Lui de Fyunes chidab bo‘lmas ziqna Garpagon rolini o‘ynaydi. Kartina sujeti oddiy: Garpagonning o‘g‘li, qizi va oltin sandig‘i bor. Va u har uchalasining taqdirini allaqachon hal qilgan. O‘g‘il o‘rta yoshli badavlat bevaga, qizi o‘zi tengi, lekin undan kam bo‘lmagan boy cholga turmushga chiqishi kerak. Sandiq abadiy yerga ko‘milishi va o‘lgan Garpagonning ruhini isitishi kerak. Ammo uning bolalari butunlay boshqacha reja tuzishadi — ular allaqachon boshqa odamlarni yaxshi ko‘rishadi. Faqat tilla to‘la sandiqqina ularga sevgilisi bilan bog‘lanishga yordam beradi, chunki Garpagon bolalarning baxtli bo‘lishiga yo‘l qo‘ymasa, uning ayyor xizmatkor tomonidan yashirgan xazinasi hech qachon unga qaytarilmaydi.
Izoh (0)