Жеймс Кемеронга «Аватар» фильмининг давомини суратга олиши учун 13 йил керак бўлди. Ваниҳоят «Сув йўли» экранларга чиқишга тайёр. Ундан олдинги фильм 10 йилдан ортиқ вақт давомида тарихдаги энг юқори даромад келтирган фильм бўлиб келди — 2,8 миллиард доллар даромад билан кино тарихини ўзгартирган фильмлардан бири ҳисобланади. Шунинг учун ҳам томошабинлар унинг давомини алоҳида сабрсизлик билан кутишган бўлса ажаб эмас. Фильм премьерасига уч ойдан сал кўпроқ вақт қолган бўлса-да, (14 декабрга режалаштирилган) ҳамма аллақачон уни муҳокама қилмоқда. Аввалги қаҳрамонлар яна иштирок этадими? Янги қисм нима ҳақида бўлади?
Сюжет
«Аватар»нинг иккинчи қисмида воқеалар биринчи фильмдаги воқеалардан 10 йилдан кўпроқ вақт ўтиб, аватар қиёфасини олган Жейк Салли Нави халқининг етакчисига айланган ва уйини Ердан келган ёлланма тадбиркорлардан ҳимоя қилиш миссиясини ўз зиммасига олганида содир бўлади. Ва у Пандорага тиш-тирноғигача қуролланиб келган ерликларни қайтаришга тайёр.
«Сув йўли» уч соат давом этади ва Жеймс Кемерон Empire нашрига берган интервьюсида бу кино учун жуда кўп деб ўйлайдиганларга олдиндан шундай деб жавоб берган:
Фильм узунлиги ҳақида шикоят қилишга шошилманг. Саккиз соатлик сериаллар мавсумини уйда бир ўтиришда томоша қила оласиз-ку. Танқидчилар нима дейишларини аллақачон тасаввур қиляпман: «Тасаввур қилиб бўлмайдиган даражадаги уч соатлик узун фильм!» Нолишни бас қилинг! Фарзандларим беш соат қимирламай экран олидан ўтириб, сериал томоша қилишлари мумкин.Ижтимоий ўзгаришлар ҳам бўлиши керак. Хавотир олманг, ўрнингиздан туриб, ҳаво алмаштириб келишга вақтингиз бўлади.
Мен ақл бовар қилмайдиган қаҳрамонларимни оилавий ришталар билан боғлашга қарор қилдим. Шу сабабдан улар қалтис вазиятда» — «Сув йўли» фильмидаги бош қаҳрамонлар ота-она бўлишади.
Бош қаҳрамонлар
Жейк Салли ролини ижро этган Сем Уортингтон ва Нейтири ролини ижро этган Зои Салдана ўз қаҳрамонларига қайтади. Сиквелда гарчи биринчи фильмда унинг қаҳрамони – «Аватар» дастури раҳбари, доктор Грэйс Августин вафот этганига қарамай Сигурни Уивер ҳам пайдо бўлади. Режиссёр унга бош қаҳрамонларнинг асраб олинган қизи Кири ролини берди.
Айтганча, Кейт Уинслет ҳам лойиҳада иштирок этди — актриса фидойи ва кучли жангчи Ронейлни ижро этган. Ҳомиладор аёл ўз халқи билан ёнма-ён курашади.
Технологиялар
«Сув йўли» фильми воқеалари Пандора океанида содир бўлади, у ерда Жейк Салли Тоновари (Клифф Кертис) ва Ронайл (Кейт Уинслет) томонидан бошқариладиган Меткайина рифлари клани билан учрашади. Аммо улар бу танишувдан мамнун эмаслар — янги иттифоқчи орқасидан қурол-яроғлари билан ерликлар албатта келишади (Жеймс Кемероннинг режасига кўра, бу можаро ҳозирги глобал қочқинлар инқирозини акс эттириши керак).
Технологик ютуқ Performance Capture («актёрлик ижросини қўлга олиш») дан фойдаланиш бўлди: суратга олиш ишлари деярли тўрт миллион литр сув сиғадиган, сув ости оқимларини келтириб чиқариш учун генератори билан жиҳозланган махсус резервуарда бўлиб ўтди.
Актёрлар Гавайида шуғулланишди, улар сув остида нафасни ушлаб туришни фридрайвер Кирк Крекдан ўргандилар — у Том Крузни «Қочқинлар қабиласи» фильми учун ҳам тайёрлаган. Рекордни Кейт Уинслет ўрнатди — 7 дақиқа 14 сония сув остида нафас олмай тура олди.
Изоҳ (0)