IT Park Навоий вилоятидан Суҳроб Ҳайдаровнинг кўплаб ғалаба ва ютуқларга эга муваффақият ҳикоясини тақдим этмоқда. Суҳроб 18 ёшда ва ҳозир Тошкентда яшайди.
У 14—15 ёшида IT соҳасига қизиқа бошлаган. Қаҳрамоннинг хотираларига кўра, илҳом манбаи имкониятлар, карьера ўсиши ва саноат истиқболлари ҳақида ҳикоя қилувчи реклама видеоси эди.
Кейин у қарор қилди: IT келажак касби ва бу соҳада яхши пул ишлашингиз мумкин эканки, демак, у ерга бориш керак.
Мен бу соҳадаги илк қадамларимни 2018 йилда қўйганман. Айтиш мумкинки, мен дарҳол тушундим: IT бу — менинг ҳаётим ва мен ўз касбимни танлашда тўғри танлов қилганимдан хурсандман, — дейди Суҳроб.
Суҳроб бошиданоқ робототехникага қизиқиш билдирган, бироқ бу йўналишда ментор топиш осон бўлмагани учун турли онлайн платформалар туфайли йўналишни мустақил ўзлаштиришга қарор қилган.
Кейин енгишимиз керак бўлган бошқа қийинчиликлар ҳам бор эди. Масалан, «запчаст»лар ва деталлар билан боғлиқ муаммолар. Биз уларни бошқа мамлакатлардан буюртма қилардик ва баъзида улар етиб келгунча 90 кунлаб кутишимизга тўғри келарди, — деб эслайди ҳикоя қаҳрамони.
Унга кўра, эндиликда бу қийинчиликлар фақат хотираларда қолди — ҳозир деталларни сотиб олиш мумкин бўлган дўконлар, ушбу йўналишни ўргатадиган ўқув марказлари ва уни ўргатадиган мураббийлар мавжуд.
Ҳозирда ана шундай ўқитувчилардан бири бўлиб Суҳроб ишламоқда — у IT Park Тошкент филиалида робототехника бўйича ментор. У автоном ва телепортация қилувчи роботлар учун дастурларни тузади.
Ўқитувчилик фаолиятим давомида, яъни 16 ёшимдан бери дарс берганман, 300—400 дан ортиқ ўқувчиларим бор. Мен болаларга ҳам, катталарга ҳам дарс беришни яхши кўраман. Менинг шогирдларим 7 ёшдан 30 ёшгача бўлган одамлардир. Улар электроника, дастурлаш, конструкциялаш ва бошқаларни ўрганмоқда, — дейди Суҳроб.
Суҳроб робототехника бўйича 6 карра халқаро мусобақалар ғолиби. Унинг ғалабалари орасида: Robofest Russia (3-ўрин), Robobrain Serbia (2-ўрин), Youth Techno Арт Tashkent (1-ўрин), Roboday Bulgariа online (1-ўрин), Kazrobofest online (1-ўрин), WRO Hungary-Atsian (1-ўрин), World skills (3-ўрин) мавжуд.
Ўз ишига бўлган муҳаббат, меҳнатсеварлик ва қийинчиликларни енгиб ўтишдаги мардлик ўз самарасини берди: бугун Суҳроб ойига 1000 доллардан кўпроқ маош олади ва ёш бўлишига қарамай, агар хоҳласа, имконсиз нарса йўқлигини исботлайди.
Изоҳ (0)