Дунёда олтин баҳоси АҚШда ишсизлик даражаси сентябрь ойида тушганини кўрсатувчи маълумотлар эълон қилинганидан сўнг ўзининг пасайишини тезлаштирди. Бу ҳақда «Интерфакс» хабар бермоқда.
Маълумотларга кўра, бу Федерал резервнинг ставкани ошириш қарори фойдали бўлганига яна бир далил бўлиши мумкин.
Нью-Йорк товар биржасида декабрь котировкалари 0,62 фоизга пасайиб, унция учун 1710,10 долларни ташкил қилди.
Декабрда етказиб бериш учун кумуш баҳоси 1,65 фоизга тушиб, унция учун 20,32 долларни ташкил этди.
Палладий 1,5 фоизга пасайиб, унцияси 2240,5 долларни ташкил қилди, платина эса 0,33 фоизга ошиб, унцияси 924,8 долларни ташкил қилди.
АҚШ департаментининг хабар беришича, сентябр ойида мамлакат иқтисодиётидаги иш ўринлари сони 263 мингтага ошган, бу 2021 йил апрелидан бери энг паст кўрсаткичдир.
Сентябр ойида ишсизлик даражаси август ойидаги 3,7 фоиздан 3,5 фоизга тушди, бу эса ставканинг ўзгаришини кутмаган таҳлилчилар учун кутилмаган ҳодиса бўлди.
Изоҳ (0)