Ўзбекистонда сохта ахборотларга раддиялар учун расмий манба — Telegram’даги «Antifake.uz» канали мессенжерда кузатилаётган фирибгарлик ҳолатидан фуқароларни огоҳлантирди.
Унда таъкидланишича, мессенжерда гўёки мукофот ютиб олингани ҳақидаги хабар билан бирга фирибгарлик билан шуғулланувчи Telegram бот ҳаволаси келтирилган маълумотлар тарқатилмоқда. Бот орқали келган хабарда «Сиз 3 ойга Telegram Premium’ни ютиб олдингиз», дейилган ва уни гўёки фаоллаштириш учун ҳавола қолдирилган.
Обуначилардан келган мурожаатга кўра, улар ушбу ҳавола устига босганида Telegram ҳисобига бегона шахслар томонидан кириш ҳолати кузатилган.
Фуқаролардан бу каби сохта ҳаволаларга кирмасликни сўраб, виртуал фирибгарлардан огоҳ бўлишга чақирамиз. Эслатиб ўтамиз, аҳоли ўртасида ёлғон ахборот тарқатганлик учун жавобгарлик мавжуд, — дейилади манбада.Шунингдек, блогер Хушнуд Худойбердиев ўзининг Twitter саҳифасида унинг Telegram аккаунтига киришга уриниш кузатилгани ҳақида твит қолдирган.
Telegram профилимга киришга уриниш бўлди. Дастлаб код келди, 5 минутдан кейин охирига етмаган кириш қайд этилди, деган хабар келди. Чунки менда 2 этапли хавфсизлик ёқилганди. Кодни қанақа олишди экан, қизиқ. Британиядан эмиш гўёки. МИ-6 қизиқиб қолибди, шекилли, — дейилади твитда.
Изоҳ (0)