Фарғонада Жанубий Кореяга ишга жўнатишини айтиб фуқаронинг пулларини алдов йўли билан қўлга киритган шахсга жиноят иши қўзғатилди. Бу ҳақда «Дарё»га вилоят Ички ишлар бошқармаси ахборот хизмати маълум қилди.
Қайд этилишича, Фарғона туманида яшовчи Н.Д. исмли шахс жорий йилнинг февраль март ойларида маҳалладоши Ш.I.нинг ишончига кириб, фарзандини танишлари орқали Жанубий Кореяга ишга жўнатишини айтган. Эвазига 7 минг 550 доллар пулни фирибгарлик йўли билан қўлга киритиб, ўз эҳтиёжига сарфлаб юборган.
Мазкур ҳолат юзасидан Фарғона тумани ИИБ ҳузуридаги тергов бўлими томонидан Жиноят кодексининг 168-моддаси (фирибгарлик) 2-қисми «а» банди билан жиноят иши қўзғатилган.
Изоҳ (0)