АҚШ президенти Жо Байден телебошловчи Ал Шарптон билан суҳбатда иккинчи муддатга президентлик учун ўз номзодини қўйишини айтди. Бу ҳақда CNBS телеканали мухбири хабар бермоқда.
«Мен яна шундай қилмоқчиман», — деган Байден иккинчи президентлик муддатига ишора қилиб. Оқ уй ҳозирча бу маълумотга изоҳ бермади.
Сўнгги ойларда АҚШ президенти иккинчи муддат ҳақида тўғридан-тўғри баёнотлардан ўзини тийган эди. «Яна ўз номзодимни қўйиш ниятим бор, лекин бу фақат ният. Қатъий қарорга келсак, буни ҳали кўрамиз», — деганди у сентябрь ўрталарида.
Апрель ойида The Hill нашри Байден 2024 йилги сайловларда иштирок этиш нияти борлигини «ҳаммага тушунтираётгани» ҳақида хабар берганди. Нашр манбасига кўра, у бу ҳақда собиқ президент Барак Обама билан муҳокама қилган. Кейинчалик Оқ уй бундай режаларни тасдиқлади. Июнь ойида The New York Times баъзи демократлар Байденнинг рейтинги сабаб унинг ғалаба қозонишига ишончи комил эмаслигини ёзганди. Шу билан бирга, кўплаб Демократик партия тарафдорлари «бошқа исталган демократ Байдендан яхшироқ ишлайди» деган фикрларни рад этган.
Изоҳ (0)