AQSH prezidenti Jo Bayden teleboshlovchi Al Sharpton bilan suhbatda ikkinchi muddatga prezidentlik uchun o‘z nomzodini qo‘yishini aytdi. Bu haqda CNBS telekanali muxbiri xabar bermoqda.
“Men yana shunday qilmoqchiman”, — degan Bayden ikkinchi prezidentlik muddatiga ishora qilib. Oq uy hozircha bu ma’lumotga izoh bermadi.
So‘nggi oylarda AQSH prezidenti ikkinchi muddat haqida to‘g‘ridan to‘g‘ri bayonotlardan o‘zini tiygan edi. “Yana o‘z nomzodimni qo‘yish niyatim bor, lekin bu faqat niyat. Qat’iy qarorga kelsak, buni hali ko‘ramiz”, — degandi u sentabr o‘rtalarida.
Aprel oyida The Hill nashri Bayden 2024-yilgi saylovlarda ishtirok etish niyati borligini “hammaga tushuntirayotgani” haqida xabar bergandi. Nashr manbasiga ko‘ra, u bu haqda sobiq prezident Barak Obama bilan muhokama qilgan. Keyinchalik Oq uy bunday rejalarni tasdiqladi. Iyun oyida The New York Times ba’zi demokratlar Baydenning reytingi sabab uning g‘alaba qozonishiga ishonchi komil emasligini yozgandi. Shu bilan birga, ko‘plab Demokratik partiya tarafdorlari “boshqa istalgan demokrat Baydendan yaxshiroq ishlaydi” degan fikrlarni rad etgan.
Izoh (0)