3 октябрь куни Украина Қуролли кучлари Херсон вилоятининг Россия қўшинлари томонидан босиб олинган бир қанча аҳоли пунктларини озод қилди. Владимир Зеленскийнинг сўзларига кўра, булар Архангелское ва Миролюбовка қишлоқларидир (Россия «ҳарбий мухбирлари»га кўра, гап Днепр бўйидаги 25 километрлик ҳудуд ҳақида кетмоқда). Россия Давлат Думаси Украина ҳудудларини «Россия Федерацияси таркибига киритиш» тўғрисидаги шартномаларни ратификация қилди. Россиянинг турли шаҳарларида сўнгги кунларда сафарбар қилинганлардан камида етти нафари ҳалок бўлди, камида икки нафари ўз жонига қасд қилган. Meduza урушнинг 222-кунига оид асосий фотосуратларни тақдим этди.
Озод қилинган Лиман манзаралари
Лиман шаҳрининг юқоридан кўриниши. Донецк вилоятидаги шаҳар озод қилингани ҳақида 1 октябрь куни маълум бўлди. Россия Федерацияси Мудофаа вазирлиги бунга жавобан «қамалда қолиш хавфи юзага келгани муносабати билан» Россия қўшинлари Лимандан бошқа «фойдалироқ йўналишларга» олиб чиқилганини айтди.Фото: Anadolu
Лиманлик фуқаро вайрон бўлган турар жой биноси ёнида сув олмоқда. Урушдан олдин шаҳарда 20 мингга яқин одам яшаган. Рус қўшинлари уни ёз бошида эгаллаб олганди.Фото: AP Photo
Украина ҳарбийлари ўз бўлинмаси позицияларида соч олмоқда.Фото: AP Photo
Украина Қуролли Кучлари аскарлари мопедда рус ҳарбийларининг жасадлари ёнидан ўтмоқда.Фото: AP Photo
Украиналик аскарлар ҳалок бўлган қуролдошларини қидирмоқда.Фото: AP Photo
Дам олишга ўтирган аскар.Фото: AP Photo
Лиман қайтарилганидан кейин Украина Қуролли кучлари Луганск вилояти ҳудудларини нишонга олаётган бўлиши мумкин. У ер баҳор ва ёз ойларида Россия томонидан босиб олинган. Фото: AP Photo
Изюмдаги қийноқ камералари. Фотосуратлар Евгений Малолетка томонидан олинган
Евгений Малолетка — украиналик фотосуратчи, Associated Press (АП) агентлиги учун ишлайди. Унинг суратлари, жумладан, Мариуполдаги туғруқхона яқинида авиабомба портлагандан кейин олинган суратлар урушнинг асосий кадрларига айланди. Сентябрь ойида Малолетка ва АП мухбирлари Украина қўшинлари томонидан озод қилинган Изюмга борди. Шаҳарда улар рус ҳарбийлари тинч аҳолини қийноққа солгани айтилган ўнта жойни (шу жумладан полиция бўлими ва иккита мактабни) топди. Бунга қадар оммавий қабрда қийноқ белгилари бўлган жасадлар топилганди.
Полиция бўлими ертўласи.Фото: AP Photo
Ертўладаги ликопча. АП маълумотларига кўра, бу ерда истило даврида тинч аҳоли сақланган.Фото: AP Photo
Полиция бўлими ертўласидаги камераларга олиб борадиган эшиклар.Фото: AP Photo
Андрей Коцар — қийноқлардан омон қолган кишилардан бири.Фото: AP Photo
Қийноқлардан омон қолган Микола Мосякин.Фото: AP Photo
Изюмнинг 2-сонли мактабида украиналик аскарнинг курткаси.Фото: AP Photo
Украина ҳарбийлари Изюмдаги болалар боғчасининг ертўласини кўздан кечирмоқда, АП маълумотларига кўра, у ерда руслар Украина Қуролли Кучлари аскарлари ва тинч аҳолини қийноққа солган.Фото: AP Photo
Изоҳ (0)