Ўзбекистондаги профессионал таълим муассасалари (коллеж ва техникум)га 2022/2023-ўқув йили учун кириш тест синовлари 3—8 октябрь кунлари 2 сменада ўтказилиши ҳақида хабар берилганди. Давлат тест маркази имтиҳонлар юзасидан қўшимча маълумот берди.
Қайд этилишича, 2022/2023-ўқув йили учун профессионал таълим муассасаларига сиртқи, кечки ва дуал таълим шакллари бўйича рўйхатдан ўтган абитуриентлар тест синовида иштирок этмайди. Улар профессионал таълим муассасалари (коллеж ва техникум)га кириш имтиҳонларисиз тўлов-контракт асосида қабул қилинади.
Шунингдек, рўйхатдан ўтишда ОТМларга кириш тест синовида тўплаган балли билан танловда иштирок этиш истагини билдирган ва фанлар мажмуаси мос бўлган талабгорлар тест синовида иштирок этмайди.
Уларга тест синовида иштирок этиш учун рухсатнома шаклантирилмайди ва улар ОТМларга кириш тест синовида тўплаган балли билан танловда иштирок этади.
Изоҳ (0)