АПЛда сентябрь ойининг энг яхшилари аниқланди

Англия Премер Лигаси сентябрь ойининг энг яхшилари номини маълум қилди.

«Манчестер Юнайтед» устози Эрик тен Ҳаг Англия Премер Лигасининг сентябрь ойидаги энг яхши мураббийи деб эълон қилинди. Мутахассис қўл остида манкунианликлар 2 ўйин 2 та ғалаба қозонди.

Тен Ҳагдан ташқари энг яхши мураббий бўлиш учун Антонио Конте («Тоттенҳэм») ва Гари Ўнил («Борнмут») даъвогарлик қилганди.

Эслатиб ўтамиз, «Арсенал» бош мураббийи Микель Артета август ойининг энг яхши мураббийи совринига сазовор бўлганди.

«Манчестер Юнайтед» ҳужумчиси Маркус Рэшфорд сентябрь якунларига кўра, ойнинг энг яхши футболчиси деб топилди. Англиялик футболчи сентябрь ойида 2 ўйинда 2 та гол ва 2 та голли узатмани амалга оширди.

Рэшфорддан ташқари ушбу соврин учун Филип Биллинг («Борнмут»), Кевин де Брюйне («Манчестер Сити»), Пьер-Эмиль Ҳёйбьерг («Тоттенҳэм»), Алекс Ивоби («Эвертон») ва Жейкоб Рэмзи («Астон Вилла») каби футболчилар кураш олиб борди.

Август ойида «Манчестер Сити» ҳужумчиси Эрлинг Ҳоланд энг яхши футболчи совринини қўлга киритганди.