Қийма ва карамдан мазали пирог тайёрлаймиз

Бу пирогнинг хамирини тайёрлаш жуда осон. Сметана билан қолган маҳсулотларни аралаштиринг, бу эса унинг янада мазали бўлишини таъминлайди. Пирогнинг устига кунжут ҳам сепишингиз мумкин.

Керакли масаллиқлар:

• оқ карам — 250 г
• пиёз — 1 дона
• сабзи — 1 дона
• ўсимлик ёғи — 2 қошиқ ва яна ёғлаш учун
• қийма — 350 г
• туз — таъбга кўра
• мурч — таъбга кўра
• тухум — 3 дона
• сметана — 200 г
• ун — 150 г
• пишириқ кукуни — 1 қошиқ

1. Карам ва пиёзни майдаланг. Сабзини катта тишли қирғичдан ўтказинг.
2. Ўсимлик ёғини ўртача оловда товада идишда қиздиринг. Пиёзни солиб 5 дақиқа давомида қовуринг. Сабзини ҳам солинг ва яна шунча вақт қовуриб олинг.
3. Қийма қўшинг ва 6-8 дақиқадан сўнг карамни солинг. Яна 5-10 дақиқа давомида ҳамма нарсани бирга қовуринг. Унга туз, мурчни қўшиб, оловнинг тагини ўчиринг ва озгина совутиб олинг.
4. Тухумни ярим қошиқ туз ва сметана билан кўпиртиринг. Элакдан ўтказилган унга  пишириш кукунини қўшинг ва бўлаклар қолмаслиги учун яхшилаб аралаштиринг.
5. Хамирнинг ярмини мойланган қолипга қуйинг. Устига маҳсулотларни қолинг ва бир текисда қатламни ёйиб, қолган хамирни ҳам устидан солинг. Хоҳласангиз, кунжут уруғини сепинг.
6. Пирогни тахминан 40-45 дақиқа давомида 180 даража ҳароратда пиширинг.

Мавзуга доир:

• Товуқ гўшти, яшил нўхат ва қаймоқли соусдан макаронли таом тайёрлаймиз.
• Бақлажон ва помидордан мазали салат тайёрлаймиз.
• Беш дақиқада тайёр бўладиган пишлоқли хачапури
• Бақлажондан нима тайёрлаш мумкин: Уй бекалари учун 5 хил ноодатий рецепт