Макаронли таомнинг яхши чиқиши учун аввало макаронни тўғри танлай билиш керак. Асосан буғдойдан, таркибида протеин юқори бўлган макаронлар таомнинг мазали чиқишига ёрдам беради. Elle нашри макаронларга икки хил маҳсулот қўшиб тайёрланадиган таомлар рецептини тақдим этди.
Қовоқча ва пишлоқ қўшиб тайёрланадиган макаронли таом рецепти
Спагетти Гросси Руммо (ингичка ва узун)
Керакли масаллиқлар:
- қовоқча — ўртача катталикдаги 1 та ёки 2 та
- қаттиқ пишлоқ
Макаронни туз қўшилган қайноқ сувга солинг. Уни юмшоқ бўлгунча, бироқ қаттиқлиги сақланган ҳолатда тахминан 5-6 дақиқа қайнатиб олинг. Қовоқчани узунасига ёки паррак шаклида кесиб олинг, унга саримсоқ, туз қўшиб қизаргунга қадар зайтун ёғида қовуринг. Сўнгра уларни қоғоз сочиқ устига қўйинг. Қовоқчани пиширилган макарон билан аралаштиринг. Устига макарон пиширилган сувдан бир неча қошиқ қўшинг. Қовоқчага қаттиқ пишлоқ қўшиб аралаштиринг ва қаймоқли соусни тайёрлаш учун идишга сув солинг. Таомни дастурхонга тортаётган вақтда устига яшил райҳон қўшинг.
Tунeц балиғи ва помидор қўшилган макаронли таом
Руммо Фарфалле макарони
Керакли масаллиқлар:
- черри помидорлари — 400 грамм ёки тайёр қуритилган помидор
- тунец балиғи — 1 қути
Помидорларни пишириш — черри помидорларини ярмига бўлинг ва пергаментга кесилган томонини қўйинг. Унга зайтун ёғи, шакар, туз, майда тўғралган саримсоқ ва майдаланган лимон пўстини қўшиб, печда 100 даража ҳароратда икки соат давомида пиширинг.
Макаронини қадоқдаги вақтига кўра қайнатиб олинг, устига совуқ сув қуйиб тўкиб ташланг. Макаронга помидорларни ва пергаментда тўпланган помидор шарбати, майда тўғралган тунец балиғини қўшинг. Таомни дастурхонга тортишдан олдин устига райҳон баргларини солинг.
Мавзуга доир:
Изоҳ (0)