Долчинли мазали печенье тайёрлаймиз

Долчин қўшиб тайёрланадиган ушбу ширинлик хушбўй ҳид ва мазали таъмга эга. Унга ўзингиз ёқтирган мураббони қўшишингиз мумкин.

Керакли масаллиқлар:

• сариёғ — 100 г
• жигарранг шакар — 5-6 қошиқ
• майдаланган долчин — 3-4 қошиқ
• қаватли хамир — 450 г
• тухум сариғи — 1 дона
• сут — 2 қошиқ

1. Печни олдиндан 180 даража ҳароратда қиздириб олинг. Печ варағининг устига пергамент қоғозни қўйинг.
2. Сариёғни эритиб олинг. Шакарни долчин билан аралаштиринг.
3. Хамирни 5-7 мм қалинликдаги тўртбурчак шаклида ёйиб чиқинг. Унга сариёғ қўшинг ва шакар билан сепинг.
4. Хамирдан ўрамалар ҳосил қилинг. Уни 2-3 см қалинликдаги бўлакларга кесиб олинг. Ўрамаларни пишириш варағига қўйинг.
5. Тухум сариғини сут билан кўпиртиринг. Ўрамаларга тухум сариғини суртинг ва жигарранг бўлгунга қадар 20-30 дақиқа давомида печда пиширинг.

Мавзуга доир:

• Беш дақиқада тайёр бўладиган пишлоқли хачапури
• Бақлажондан нима тайёрлаш мумкин: Уй бекалари учун 5 хил ноодатий рецепт
• Пицца таъмли ноодатий оладе рецепти
• Бир зумда тайёрланадиган помидор ва ёнғоқли салат рецепти.