Кўплаб компаниялар ўз қурилмалари уйларнинг интерьерига мос келиши учун уларни имкон қадар ихчам кўринишда ишлаб чиқаришга уринади. YouTube каналларидан бирининг муаллифи Майкл Пик бунинг аксини амалга ошириб, улкан Xbox Series Х приставкасини ясади, деб хабар беради Hi-Tech.Mail.ru.
Блогер биринчи босқичда Xbox корпусини ясаган. Унинг каркаси ёғоч панеллардан ишланган. Шунингдек, худди ҳақиқийга ўхшаш сохта разъёмлар ҳам мавжуд. Приставканинг юқори қисми 3D-принтерда чоп этилган.
Улкан каркас ичида оддий Xbox Series Х консоли жойлашган. У бир нечта двигателлардан жойлаштирилган махсус бўлмага қотирилган. Улар фодаланувчи улкан корпусдаги тугмаларни босганда оригинал консолдаги тегишли тугмаларнинг ишлашини таъминлайди.
Натижада 2 метрлик приставка ҳосил бўлган, эни эса 1 метрни ташкил этади, оғирлиги — 113 килограмм. Майкл Пикнинг консоли Гиннеснинг рекордлар китобига киритилган.
Эслатиб ўтамиз, 2021 йилнинг мартида Sony компанияси ўзининг PlayStation 5 приставкаси учун шарсимон кўринишдаги қатор имкониятларга, жумладан, сенсорли аниқлаш тизимига эга контроллерни тақдим этганди.
Изоҳ (0)