Sony компанияси юқори инфляция туфайли бир қатор муҳим халқаро бозорларда PlayStation 5 учун тавсия этилган нархларни оширди. Бу ҳақда «Интерфакс» хабар бермоқда.
Жаҳон иқтисодиётидаги вазият кўпчилик дуч келаётган муаммодир. Биз бутун дунё бўйлаб юқори инфляция суръатларини, шунингдек, истеъмолчиларга таъсир кўрсатувчи ва кўплаб соҳаларда босим яратувчи валюта тенденцияларининг салбий таъсирини кузатяпмиз, — дейилади компания баёнотида.Европада нархлар PlayStation 5 нинг дискли консоли учун 50 еврога ошиб, 549,99 еврога, дисксиз консоли учун эса 449,99 еврогача кўтарилади.
Буюк Британияда ўсиш 30 фунт (35 доллар), Австралияда 50 Австралия доллари (35 доллар), Хитойда эса 400 юанни (58 доллар) ташкил қилади. Нархлардаги ўзгаришлар тез орада кучга киради.
Японияда PlayStation 5 15 сентябрдан бошлаб 5 000 иенага (37 доллар) қимматлашади, АҚШда эса нархлар ўзгаришсиз қолади.
Апрель—июнь ойларида Sony ўйинлари ва консоллари сотуви ўтган йилнинг шу даврига нисбатан 2 фоизга, операцион фойда эса 37 фоизга камайди.
Пайшанба, 25 август куни Sony акциялари 0,2 фоизга ошди. Йил бошидан бери компания капиталлашуви 21 фоизга пасайиб, 10 млрд доллардан кўпроқ бўлмоқда.
Аввалроқ Sony компанияси iPhone учун янги геймпад тақдим этган эди.
Изоҳ (0)