BBC нашрига берган интервьюсида Евроиттифоқнинг ташқи сиёсат бўйича олий вакили Жозеп Боррель Россия президенти Владимир Путин ўзининг сафарбарлик ҳақидаги мурожаатида айтиб ўтган таҳдидларни эътиборсиз қолдириш керак эмаслигини таъкидлади.
«Албатта, бу хавфли лаҳза, чунки Россия армияси бурчакка тиқиб қўйилди, Путиннинг реакцияси — ядро қуролини қўллаш таҳдиди эса жуда чатоқ бўлди», — деди Боррель.
Унинг қайд этишича, Россия билан урушни тугатиш ҳақида дипломатик келишувга эришиш зарур — Украина суверенитети ва ҳудудий яхлитлигига риоя этилиши шарти билан.
«Акс ҳолда, уруш тугайди, аммо тинчлик бўлмайди ва яна бошқа уруш бошланади», — деди Боррель.
Эслатиб ўтамиз, 21 сентябрь куни Путин Россия ўз ҳудудий яхлитлигини ҳимоя қилиш учун қўл остидаги барча воситаларни ишга солишга тайёрлигини билдирганди. «Бу қуруқ таҳдид эмас», — деганди у ўз мурожаатида.
Мавзуга доир:
- Украинадаги уруш: тактик ядро қуроли нима ва у Россия томонидан қўлланилиши мумкинми?
- «Путин ядро қуроли борасида алдамаяпти» — Сербия раҳбари Россиянинг ядро қуроли борасида ҳазиллашмаётганини айтди
- «Россия БМТ низомининг асосий тамойилларини уялмасдан бузди» — Байден Путиннинг ядро қуроли борасидаги таҳдидларига тўхталди
Изоҳ (0)