BBC nashriga bergan intervyusida Yevroittifoqning tashqi siyosat bo‘yicha oliy vakili Jozep Borrel Rossiya prezidenti Vladimir Putin o‘zining safarbarlik haqidagi murojaatida aytib o‘tgan tahdidlarni e’tiborsiz qoldirish kerak emasligini ta’kidladi.
“Albatta, bu xavfli lahza, chunki Rossiya armiyasi burchakka tiqib qo‘yildi, Putinning reaksiyasi — yadro qurolini qo‘llash tahdidi esa juda chatoq bo‘ldi”, — dedi Borrel.
Uning qayd etishicha, Rossiya bilan urushni tugatish haqida diplomatik kelishuvga erishish zarur — Ukraina suvereniteti va hududiy yaxlitligiga rioya etilishi sharti bilan.
“Aks holda, urush tugaydi, ammo tinchlik bo‘lmaydi va yana boshqa urush boshlanadi”, — dedi Borrel.
Eslatib o‘tamiz, 21-sentabr kuni Putin Rossiya o‘z hududiy yaxlitligini himoya qilish uchun qo‘l ostidagi barcha vositalarni ishga solishga tayyorligini bildirgandi. “Bu quruq tahdid emas”, — degandi u o‘z murojaatida.
Mavzuga doir:
- Ukrainadagi urush: taktik yadro quroli nima va u Rossiya tomonidan qo‘llanilishi mumkinmi?
- “Putin yadro quroli borasida aldamayapti” — Serbiya rahbari Rossiyaning yadro quroli borasida hazillashmayotganini aytdi
- “Rossiya BMT nizomining asosiy tamoyillarini uyalmasdan buzdi” — Bayden Putinning yadro quroli borasidagi tahdidlariga to‘xtaldi
Izoh (0)