Маккажўхорини янада мазали ва хуштаъм қилиб пиширишнинг 3 усули

Lifehacker нашри маккажўхорини янада мазали ҳамда иштаҳаочар тарзда дастурхонга тортишнинг 3 усули билан бўлишди.

Асалли сутда пиширамиз

Керакли маҳсулотлар:

• маккажўхори — 4 дона;
• сут — 300 мл;
• сариёғ — 80 грамм;
• асал — 2 ош қошиқ;
• тимян ва туз.

1. Маккажўхори тозаланиб, идишга солинади. Усти қоплангунча етарли миқдорда сув қуйилади ва туз қўшилади.
2. Сув қайнаб чиққач сут қўшилади, устидан сариёғ, бир ош қошиқ асал ва тимян солинади ва ўртача оловда қайнатилади.
3. Қайнагач олов минимал даражага туширилади ва маккажўхори юмшоқ бўлгунча тахминан 15 дақиқа қайнатиб олинади.
4. Тайёр бўлган маккажўхори алоҳида идишга олинади ва устига маккажўхори суртиш ва кўкатлар билан дастурхонга тортиш мумкин.

Лимон, саримсоқ ва аччиқ қалампир билан қовурамиз

Керакли маҳсулотлар:

• маккажўхори — 4 дона;
• сариёғ — 10 грамм;
• ўсимлик ёки зайтун мойи — 1 ош қошиқ;
• саримсоқ — 2-3 бўлак;
• аччиқ қалампир — 1 дона;
• лимон шарбати — 2 чой қошиқ;
• сув — 100 мл.

1. Маккажўхорилар тузли сувда қайнатиб олинади, тахминан 10 дақиқа. Қовуриладиган идишга сариёғ ва ўсимлик ёғини қўшилади.
2. Саримсоқ майда тўғралади, қалампир доира шаклида кесиб олинади ва улар мой аралашмасига солинади ва 1-2 дақиқа қовурилади. Сўнгра товага маккажўхори солинади.
3. Лимон шарбати ва сув аралаштирилади. Қолган масаллиқлар солинади.
4. Тахминан 5 дақиқа давомида қопқоғи ёпилиб, қайнатиб олинади, вақти-вақти билан маккажўхорилар айлантириб турилади.
5. Кейин қопқоқ олиб ташланиб, маккажўхори яна бир неча дақиқа қовурилади.
6. Маккажўхорилар дастурхонга соус билан биргаликда тортилади.

Сариёғ билан бирга пиширамиз

Тайёрланиш жараёни:

• сариёғ — 125 грамм;
• саримсоқ — 1 дона;
• пиёз, райҳан ва бошқа кўкатлар;
• яримта лимон қобиғи, туз, қалампир;
• маккажўхори — 4 дона.

1. Хона ҳароратидаги сариёғга тўғралган саримсоқ, кўкатлар, лимон қобиғи, туз ва қалампир қўшиб, яхшилаб аралаштирилади.
2. Сариёғдан исталган шакл ҳосил қилинади ва уни музлаткичга юборилади.
3. Маккажўхори тузли сувда ёки грилда пишириб олинади.
4. Тайёр бўлгач, музлатилган хуштаъм сариёғ бўлаклари маккажўхори билан дастурхонга тортилади.