Қийма ва гуручдан тайёрланадиган ушбу таом мазали ва фойдали хусусиятларга эга. Таомга ўзингизга ёққан кўкатларни қўшишингиз ва бошқа сабзавотлардан ҳам фойдаланишингиз мумкин.
Керакли масаллиқлар:
- оқ баргли карам — ўртача катталикдаги 1 бош
- гуруч — 120 г
- сабзи — 2 дона
- пиёз — 2 дона
- ўсимлик ёғи — 3 қошиқ ва мойлаш учун
- қийма — 800-900 г
- туз — таъбга кўра
- мурч — таъбга кўра
- томат пастаси — 2-3 қошиқ
- сув — 400-450 мл
- Карамнинг илдиз қисмини эҳтиёрткорлик билан олиб ташланг.
- Катта идишда сувни қайнатиб олинг. Карам баргларини 4-5 дақиқа қайнатинг, устки қисмидаги баргларни олиб ташланг. Ҳамма баргларни олиб ташламагунингизча, уни қайнатишда давом этинг ва карам бошини қисмларга ажратинг.
- Карам баргларини совутиб олинг. Ўрамларни айлантиришни осонлаштириш учун карам баргларини қаттиқ қисмларидан ажратиб олинг.
- Гуручни ярим тайёр бўлгунга қадар, 10 дақиқа давомида қайнатиб олинг. Сўнгра уни совутинг.
- Сабзини катта тишли қирғичдан ўтказинг. Пиёзни майда қилиб тўғранг. Сабзавотларни юмшоқ ва қизаргунга қадар уч ош қошиқ ёғ билан қовуринг. Уларни ҳам совутиб олинг.
- Гуруч ва қийма гўштини ярим қовурилган сабзавотлар, туз ва мурч билан аралаштиринг.
- Битта карам баргини олинг. Унга гўшт ва гуручни солиб ўрамалар ҳосил қилинг.
- Худди шу тарзда, қолган карам баргларига ҳам қиймани солиб ўраб чиқинг.
- Ўрамларни мойланган идишга солинг.
- Қолган қовурилган сабзавотларни томат пастаси ва туз билан аралаштиринг. Уларни илиқ сувга солиб яна аралаштиринг. Аралашмани карамнинг устига солинг.
- Ўрамаларни 180 даража ҳароратда 40-45 дақиқа давомида пишириб олинг.
Мавзуга доир:
Изоҳ (0)