Қашқадарё вилоятида бизнес-омбудсманга ёлғон маълумот тақдим қилган банк раҳбари жавобгарликка тортилди. Бу ҳақда «Дарё»га бизнес омбудсманнинг Қашқадарё вилоятидаги вакили Шероз Шодиев хабар берди.
Маълум қилинишича, бизнес-омбудсман девонига Қашқадарё вилоятида фаолият юритувчи МЧЖ раҳбаридан кредит ажратишда амалий ёрдам кўрсатиш тўғрисида мурожаат келиб тушган. Мурожаатда МЧЖ ва фуқаролар ўртасида турар жойни ипотека асосида сотиш тўғрисида шартномалар тузилгани, ушбу шартномаларнинг айримларига банк томонидан ипотека кредити ажратилмаганлини таъкидланган.
Бизнес-омбудсман девони ходимлари томонидан мурожаатда таъкидланган важлар юзасидан АТБ «Қишлоқ қурилиш банк» вилоят филиалига сўров хати чиқарилди. Бироқ, ушбу сўров хатига АТБ «Қишлоқ қурилиш банк» Қашқадарё вилояти ҳудудий бошқармаси томонидан белгиланган муддатдан уч кун кечиктирилиб, бошқарувчи Ф.Муратов томонидан нотўғри маълумотлар тақдим этилди. Ҳолат юзасидан бизнес-омбудсман девони ходимлари томонидан Ф.Муратовга нисбатан маъмурий баённома расмийлаштирилди», — дейди бизнес омбудсманнинг Қашқадарё вилоятидаги вакили Шероз Шодиев.Жиноят ишлари бўйича Қарши шаҳар судининг 2022 йил 26 августдаги қарори билан банк бошқарувчисига нисбатан 600 минг сўм жарима жазоси қўлланилди.
Изоҳ (0)