Qashqadaryo viloyatida biznes-ombudsmanga yolg‘on ma’lumot taqdim qilgan bank rahbari javobgarlikka tortildi. Bu haqda “Daryo”ga biznes ombudsmanning Qashqadaryo viloyatidagi vakili Sheroz Shodiyev xabar berdi.
Ma’lum qilinishicha, biznes-ombudsman devoniga Qashqadaryo viloyatida faoliyat yurituvchi MCHJ rahbaridan kredit ajratishda amaliy yordam ko‘rsatish to‘g‘risida murojaat kelib tushgan. Murojaatda MCHJ va fuqarolar o‘rtasida turar joyni ipoteka asosida sotish to‘g‘risida shartnomalar tuzilgani, ushbu shartnomalarning ayrimlariga bank tomonidan ipoteka krediti ajratilmaganlini ta’kidlangan.
Biznes-ombudsman devoni xodimlari tomonidan murojaatda ta’kidlangan vajlar yuzasidan ATB “Qishloq qurilish bank” viloyat filialiga so‘rov xati chiqarildi. Biroq, ushbu so‘rov xatiga ATB “Qishloq qurilish bank” Qashqadaryo viloyati hududiy boshqarmasi tomonidan belgilangan muddatdan uch kun kechiktirilib, boshqaruvchi F.Muratov tomonidan noto‘g‘ri ma’lumotlar taqdim etildi. Holat yuzasidan biznes-ombudsman devoni xodimlari tomonidan F.Muratovga nisbatan ma’muriy bayonnoma rasmiylashtirildi”, — deydi biznes ombudsmanning Qashqadaryo viloyatidagi vakili Sheroz Shodiyev.Jinoyat ishlari bo‘yicha Qarshi shahar sudining 2022-yil 26-avgustdagi qarori bilan bank boshqaruvchisiga nisbatan 600 ming so‘m jarima jazosi qo‘llanildi.
Izoh (0)