Ўзбекистон банкларида муаммоли кредитлар кўпайишда давом этмоқда

Марказий банк 2022 йил 1 сентябрь ҳолатига кўра банкларнинг муаммоли кредитлари тўғрисида маълумот берди.

Унга кўра, банклардаги жами кредит портфели 355,5 трлн сўмгача етган. Бу ўтган ойга нисбатан 9,1 трлн сўмга кўпроқдир. 

Банклардаги умумий муаммоли кредитлар (NPL) миқдори қарийб 500 млрд сўмга кўпайиб, 17,4 трлн сўмга етган. Июль ойида бу кўрсаткич 250 млрд сўмга ошган эди. Умумий кредит портфелидаги NPL улуши 4,9 фоизда сақланиб қолган. 

Банклар орасида NPL миқдори энг кўп «Халқ банк»ида сақланиб қолмоқда ва ўтган ойга нисбатан деярли ўзгармаган — 3,5 трлн сўм. 

Муаммоли кредитларнинг улуши бўйича энг баланд кўрсаткич «Ўзагроэкспортбанк»да — банкнинг жами кредитлардаги NPL улуши 94,9 фоизни ташкил қилди. 

Аввалроқ Ўзбекистонда энг кўп ипотека кредити ажратган банклар рўйхати эълон қилинган эди.