Ўзбекистон ва бошқа давлатлардаги россияликларнинг кредитга бўлган талаби олти баробар ошди

2022 йилнинг март—август ойларида чет элдаги Россия фуқароларининг микрокредитларга бўлган талаби олти баробар ошди. Бундай ҳақда Moneyman онлайн муқобил кредитлаш хизматига таяниб «ТАСС» хабар бермоқда.

Тадқиқот 2022 йил март—август ойларида ариза топшириш вақтида чет элда бўлган Россия фуқаролари томонидан берилган аризалар улуши олти марта — ўтган йилга нисбатан 0,4 фоиздан 2,5 фоизгача ошганини кўрсатди.

Қайд этилишича, хориждаги Россия фуқаролари орасида кредит олаётганларнинг кўпи Арманистондаги россияликлар — 18 фоиз.

Туркия ва Қозоғистонда бу кўрсаткич 16,5 фоизни ташкил этган бўлса, Ўзбекистон 13 фоиз билан кейинги поғонада бўлган.  

Арманистон, 16,5 фоизи Туркия ва Қозоғистон, 13 фоизи Ўзбекистон, 8,5 фоизи Қирғизистон, 7 фоизи Тожикистон, 4,5 фоизи Вьетнам, 3,5 фоизи Жанубий Кореядан келган. 

Шу билан бирга, Moneyman’га кўра, маблағларни кредитлаш бўйича барча сўровларнинг 87 фоиздан ортиғида МИР картаси кўрсатилган. 

АҚШ эса МИР карталари туфайли хорижий банклар учун санкциялар хавфини эълон қилган эди.

Россияликлар кредитнинг мақсади сифатида 68 фоиз ҳолларда шошилинч эҳтиёжлар ёки режалаштирилмаган харажатларни қоплаш учун пул кераклигини кўрсатган.

Улар Россияда яшаётган қарз олувчиларга қараганда деярли икки баравар кўп маблағга муҳтож.