Осиё тараққиёт банки ва Ўзбекистон 2,8 миллиард долларлик 27 та лойиҳани биргаликда амалга ошириш тўғрисида келишувга эришди. Бу ҳақда Инвестициялар ва ташқи савдо вазирлиги хабар бермоқда.
Қайд этилишича, мазкур маблағлар 2022—2024 йилларга мўлжалланган суғурта операциялари бўйича ажратилади.
Ўзбекистон ва ОТБ ўртасида лойиҳаларнинг жорий портфели 3,7 миллиард долларлик 24 та лойиҳадан иборатлиги маълум қилинди.
Булар инфратузилмавий қурилиш, энергетика, уй-жой комунал хўжалиги, соғлиқни сақлаш, қишлоқ хўжалиги соҳасидаги лойиҳалардир.
Шунингдек, томонлар ўртасида ипотека бозори секторини ривожлантириш ва бюджетни қўллаб-қувватлашга қаратилган умумий қиймати 650 миллион долларлик 2 та лойиҳа бўйича музокаралар якунланди.
Мазкур лойиҳалар бўйича битимларни жорий йил охиригача имзолаш бўйича чора-тадбирлар кўришга келишиб олинди.
Аввалроқ Ўзбекистонда сув таъминоти бўйича 20 та инвестиция лойиҳаси 1,8 млрд доллар қарз ҳисобидан молиялаштирилиши ҳақида хабар берилган эди.
Изоҳ (0)