Фунт стерлинг ўттиз етти йиллик энг паст даражага тушди

Британия валюта айирбошлаш агрегатори котировкаларидан келиб чиққан ҳолда, фунт стерлинг ҳозирда 1,13 доллар ва 1,14 евродан сотилмоқда. Бу ҳақда Bloomberg хабар берди.

Бу 1985 йил март ойидан бери валюта курсининг долларга нисбатан, 2021 йил бошидан бери эса еврога нисбатан энг жиддий пасайиши ҳисобланади.

Ўтган ҳафта, 5 сентябрда ҳам фунт рекорд даражада тушиб кетганди. Кейинроқ Британия валютаси 1 еврога сотилди, бу 2002 йил декабридан бери энг паст кўрсаткич эди.

Буюк Британия валютаси бу йил тахминан 16 фоизга тушди. Бу Буюк Британиядаги таназзул ва янги ҳукумат билан сиёсий ноаниқлик ҳолатини акс эттиради.

Financial Times таҳлилчилари фунтнинг қадрсизланишини янги бош вазир Лиз Трусснинг ҳокимиятга келиши билан изоҳламоқда. Ууй хўжаликлари учун электр энергияси нархини шакллантиришга давлат аралашувини таъминлайдиган бир қатор иқтисодий ислоҳотларни эълон қилган.

Аввалроқ Британия иқтисодиёти тобора ёмонлашаётгани ҳақида хабар берилганди.