Зеленский референдум эълонлари фонида Эрдўғон билан телефонда суҳбатлашди

Украина президенти Владимир Зеленский туркиялик ҳамкасби Ражаб Тоййиб Эрдўғон билан телефон орқали мулоқот қилди, дея хабар беради «РБК».

Суҳбат ДХР, ЛХР ва Россия назоратидаги Херсон ва Запорожье вилоятлари ҳудудлари Россия Федерациясига қўшилиш бўйича референдумлар ўтказиш саналарини эълон қилганидан кейин бўлиб ўтди.

«Биз жорий хавфсизлик масалаларини муҳокама қилдик», — деб ёзди Зеленский Twitter’да.

Украина президенти бу ҳақда бошқа ҳеч қандай маълумот бермади.

Бир кун аввал Эрдўғон Россия президенти Владимир Путин Украинадаги можарога имкон қадар тезроқ барҳам беришни исташини, Киев эса жанговар ҳаракатлар тўхташи учун Москва билан келишувга эришиши кераклигини айтган эди.

Мавзуга доир:

• Эрдўғон Путиннинг низони тугатиш ниятини маълум қилди ва Украинага юзланди
• «Ҳозир бундай истиқболлар кўринмаяпти». Песков — урушни дипломатия йўли билан тугатиш эҳтимоли ҳақида