Наманганда маданий меросга оид китоблар хорижга олиб чиқилишининг олди олинди. Бу ҳақда «Дарё» мухбири Азизбек Абдувалиев хабар бермоқда.
Вилоятнинг «Поп» чегара-божхона постига Тожикистонга ўтиш мақсадида кириб келган ўзбекистонлик фуқаронинг ўзини тутиши божхона инспекторида шубҳа уйғотди.
Фуқарога тегишли қўл сумкаси кўздан кечирилганда оғзаки сўровда билдирилмаган ҳамда йўловчи божхона декларациясида қайд этилмаган 6 дона қадимий китоб борлиги аниқланди.
Фарғона вилояти Маданий мерос бошқармаси бадиий экспертиза бўлими тақдим этган хулосадан мазкур китоблар XIX аср охири ва ХХ аср бошларида тошбосма усулида чоп этилган Қуръони карим ва бошқа диний мазмундаги китоблар эканлиги маълум бўлди.
Мазкур китоблар Ўзбекистон ҳукуматининг тегишли қарорига асосан олиб чиқилиши та’қиқланган маданий бойлик ҳисобланади.
Ҳозирда мазкур ҳолат юзасидан суриштирув ишлари олиб борилмоқда.
Мавзуга доир:
Фарғонадаги божхона постида 50 га яқин маданий бойликлар четга олиб кетилаётгани аниқланди
Изоҳ (0)