Бирлашган Араб Амирликларида Тошкент давлат иқтисодиёт университети делегацияси БААнинг маданият спорт ва туризм қўмитаси, Crowne Plaza Dubai Marina меҳмонхонаси раҳбарияти ҳамда ўзбекистонлик фуқаролар билан учрашувлар ўтказди, деб хабар бермоқда «Дунё» ахборот агентлиги.
Қайд этилишича, БААнинг туризм ва меҳмонхона тармоқларини ривожлантириш бўйича тажрибасини ўрганиш, ҳамкорликда туризм соҳаси мутахассисларини тайёрлаш, ўқув дастурлари ҳамда дарсликларни такомиллаштириш масалалари муҳокама қилинган.
БАА томони Ўзбекистонда туризмни ривожлантириш бўйича кўрилаётган чора-тадбирлар, сайёҳлик инфратузилмаларини ривожлантириш, туризм соҳасида меъёрий-ҳуқуқий ҳужжатлар ҳамда инвестиция дастурлари билан таништирилган.
Crowne Plaza Dubai Marina меҳмонхона раҳбари Т.Салха сўнгги йилларда Ўзбекистон ҳукумати томонидан сайёҳлик соҳасини ривожлантириш, туристлар хавфсизлигини таъминлаш ва жабҳада олиб борилаётган кенг қамровли ислоҳотларни алоҳида қайд этган.
Бўлиб ўтган учрашувлар якунлари бўйича Тошкент давлат иқтисодиёт университети ва меҳмонхона ўртасида туризм соҳасида ўзаро ҳамкорлик ҳамда дўстона алоқаларни қўллаб-қувватлаш бўйича келишувга эришилган. Икки томонлама Англашув меморандуми имзоланган.
Тадбир доирасида Crowne Plaza Dubai Marina меҳмонхонасининг ўзбекистонлик бошқарувчи директори Рихсибой Турсуновнинг «Be the Change in the Hospitality Industry» номли китоби тақдимоти ўтказилган.
Изоҳ (0)