Қосим-Жўмарт Тўқаев «Қозоғистон Республикаси Конституциясига ўзгартиш ва қўшимчалар киритиш тўғрисида»ги қонунни имзолади.
Қозоғистон парламенти палаталарнинг қўшма йиғилишида мамлакат конституциясига ўзгартиришлар киритиш тўғрисидаги қонунни икки ўқишда қабул қилинганди. Ҳужжатни йиғилишда қатнашган барча 50 нафар сенатор ва 99 нафар депутат бир овоздан қўллаб-қувватлаган. Шундан сўнг парламентда қабул қилинган қонун имзолаш учун Қозоғистон президентига юборилган.
Имзоланган қонунда қуйидагилар назарда тутилган:
- Қозоғистонда президентлик муддати беш йилдан етти йилгача узайтирилади, президент эса иккинчи муддатга қайта сайлана олмайди;
- Мамлакат пойтахтининг Нур-Султон номи аввалги — Остонага қайтарилади.
Маълумот учун, Қозоғистон пойтахтининг номи 2019 йил март ойида Қосим-Жўмарт Тўқаевнинг ташаббуси билан Остонадан Нур-Султонга ўзгартирилган эди.
Мавзуга доир: Қозоғистонда Назарбоев кунини давлат байрамлари қаторидан чиқариб ташлаш таклиф қилинди
Изоҳ (0)