Қирғизистон бош прокуратураси мамлакат энергетика вазири Дўсқул Бекмурзаевга нисбатан иккита жиноий иш қўзғатди. Бу ҳақда идора матбуот хизматига таяниб, «Интерфакс» хабар берди.
«Қирғизистон бош прокуратураси энергетика вазири Дўсқул Бекмурзаевга нисбатан мансаб ваколатини суиистеъмол қилиш фактлари бўйича иккита жиноий иш қўзғатди», — дейилади назорат органи хабарида.
Прокуратура маълумотларига кўра, 2021—2022 йилларда энергетика вазири ўз мансабини суиистеъмол қилиб, давлат бюджети маблағлари ҳисобидан ходимларни Ўзбекистон, Бирлашган Араб Амирликлари, Туркия ва Россияга хизмат сафарларига жўнатган, бунинг оқибатида давлат моддий зарар кўрган.
Бундан ташқари, Бекмурзаев «Теплие Ключи» соғломлаштириш мажмуаси объектларини таъмирлаш вақтида 15 миллион сомдан (180 минг доллар) ортиқ зарар етказган.
Изоҳ (0)