Bugun,

  • USD 11095.31
  • RUB 173.84
  • EUR 10772.44

Qirg‘iziston prezidenti Sadir Japarov Alimkadir Beyshenaliyevni sog‘liqni saqlash vaziri lavozimidan ozod etish to‘g‘risidagi farmonni imzoladi, deb yozadi Asia Plus.

Alimkadir Beyshenaliyev matbuot anjumani chog‘ida akonit qaynatmasini ichmoqda

Alimkadir Beyshenaliyev matbuot anjumani chog‘ida akonit qaynatmasini ichmoqda
Foto: “Kloop.kg”

Shundan keyin deyarli darhol Beyshenaliyevning Issiqko‘l viloyati Cho‘lponota shahridagi “Altin balalik” reabilitatsiya markaziga direktor etib tayinlangani haqida xabarlar paydo bo‘ldi. Ushbu markaz Alimkadir Beyshanilyevning o‘g‘li tomonidan qurib bitkazilgan va 1-iyun kuni rekonstruksiyadan ekyin ochilgan edi.

“Hammasi joyida, asosiysi — qamab qo‘yishmadi. Agar prezident shunday qaror qilgan bo‘lsa, bo‘ysunaman, ishlayman”, — dedi Beyshenaliyev boshqa izohlardan bosh tortib.

Keyinroq sobiq sog‘liqni saqlash vaziri oilaviy sharoit tufayli Turkiyaga noma’lum muddatga uchib ketishga qaror qilgani ma’lum bo‘ldi.

Beyshenaliyev 2020-yil oktabrida — koronavirus pandemiyasi avjiga chiqqan paytda Sog‘liqni saqlash vazirligiga rahbar bo‘lgandi.

U koronavirus bilan kasallanganlarni o‘ta zaharli o‘t — Issiqko‘l ildizi yoki jung‘or ayiqtovoni deb ataluvchi o‘simlik bilan davolashni taklif qilgan edi. Vazir dorini issiq holda ichish kerakligini ta’kidladi. “Sovuq holda ichgan odam besh daqiqada o‘ladi”, — dedi u.

Joriy yil iyunida Beyshenaliyevga nisbatan yetti jinoyat ishi qo‘zg‘atildi, shularning bittasi poraxo‘rlik, ikkitasi — tamagirlik, to‘rttasi — xizmat vakolatlarini suiiste’mol qilish va foyda keltirmaydigan shartnoma tuzish haqidagi moddalar bo‘yicha. Bosh prokuratura ushbu jinoyat ishi doirasida sog‘liqni saqlash vazirligining yana uch nafar mansabdori hibsga olinganini ma’lum qilgan.

Beyshenaliyev lavozimidan chetletilgan, tergov izolyatoriga joylashtirilgan, ammo ikki haftadan keyin uy qamog‘iga o‘tkazilgan.

Avgust o‘rtalarida sog‘liqni saqlash vaziriga nisbatan jinoyat ishi uning harakatlarida jinoyat tarkibi yo‘qligi sababli to‘xtatildi.

Beyshenaliyev “prezident qaror qilishi bilan” ishga chiqishga tayyorligini aytdi.

Iyundan buyon Qirg‘iziston sog‘liqni saqlash vaziri vazifasini Jarkinbek Kasimbekov bajarmoqda, u lavozimga tayinlanganidan keyin klinik dalillarsiz akonitdan foydalanib davolash xavfli ekanini ma’lum qildi. “Bu bola kimga kelib urilganini tushunmadi”, — dedi Beyshanaliyev.

Izoh
Asosiy yangiliklar
Mahalliy
Nukus voqealari bo‘yicha sudlangan Polat Shamshetov tergov hibsxonasida vafot etdi
Dunyo
Turkiyada 7,4 magnitudali zilzila yuz berdi
Dunyo
Moskva metrosidagi eng yirik terakt, Olimpiada o‘yinlariga mezbonlik qilgan Gitler va 25 yoshida Britaniya taxtiga o‘tirgan Yelizaveta. Kun xronologiyasida 6-fevra...