Украина бош вазири Денис Шмихал 30 миллиард куб метрдан ортиқ газ омборларини Европага бериш ниятини маълум қилди. Бу ҳақда «Коммерсантъ» хабар бермоқда.
Украина Европадаги энг йирик ерости газ омборларига эга ва биз ушбу омборларнинг 30 миллиард куб метрдан кўпроғини Европага газ етказиб беришдаги беқарорлик шароитида, уларнинг газ захираларини шакллантириш учун таклиф қилишимиз мумкин, — дейди Шмихал Брюсселдаги матбуот анжуманида.Шунингдек, Украина бош вазирининг айтишича, Киев 2022 йил охири—2023 йил бошида мамлакатнинг Европа Иттифоқига аъзолиги бўйича музокараларга ўтишни кутмоқда. Унинг сўзларига кўра, айни дамда Украина Европа Иттифоқи билан ассоциация шартномаси шартларининг деярли 65 фоизини бажарган.
Агар ушбу етти шарт бажарилса, ассоциация шартномасини параллел равишда амалга ошириш билан биз жорий йил охиригача муносабатларимизнинг кейинги босқичига, яъни музокаралар жараёнига киришиш ҳамда Европа Иттифоқига аъзолик мақомини олиш ниятидамиз, — деган бош вазир Денис Шмихал.Мавзуга доир: Украина ташқи ишлар вазири мамлакатларнинг Россия газига қарамлигини гиёҳвандликка қиёслади
Изоҳ (1)
Кайси калласи катта ёзди сарлавхани,!?))) аввал яхшилаб коммерсентдаги сарлавхани укиб, маъносини чак, кейин тугри таржима кил!!!