Евро курси қитъада энергия инқирози кучайганидан сўнг тушиб кетди. Бу эса корхоналар ва уй хўжаликлари учун узоқ совуқ қишдан дарак беради, дея хабар қилмоқда Bloomberg.
Россия давлат газ ишлаб чиқарувчиси «Газпром» компанияси 2 сентябрь куни «Шимолий оқим» қувури орқали етказиб беришни номаълум муддатга тўхтатиб қўйишини маълум қилганди.
Шундан кейин Германия бошчилигидаги Европа давлатлари дам олиш кунларида турмуш нархи инқирози ва энергия нархларининг кескин ўсишини бартараф этиш чораларини эълон қилди.
Душанба, 5 сентябрь куни умумий валюта курси 0,7 фоизга пасайиб, 98,80 АҚШ сентига тушди. Бу 2002 йилдан бери энг заиф кўрсаткичдир.
Россиянинг Украинага бостириб кириши хом ашё нархларини кескин ошириб юборган ва Кремль ҳамда Европа ўртасидаги муносабатларга путур етказганидан бери энергетика инқирози чуқурлашиб бормоқда.
Бу сўнгги йигирма йил ичида биринчи марта ўтган ойда еврони долларга тенглаштирган муҳим омил бўлди.
Қиш олдидан энергия таъминотидаги янги кескинликлар, истеъмол нархларининг кўтарилиши Европа Марказий банкига (ECB) пул-кредит сиёсатини кучайтириш учун босим ўтказаётган бир пайтда минтақа иқтисодиётини янада оғирлаштириши мумкин.
ECB пайшанба, 8 сентябрь куни ставкаларни 75 базавий пунктга ошириши кутилмоқда.
Муаммонинг жиддийлигининг белгиси сифатида Германия энергия инқирози фонида инфляцияга қарши курашиш учун тахминан 65 миллиард евро миқдоридаги ёрдам режасини эълон қилди.
Финляндия эса 10 миллиард долларлик дастур билан электр энергияси бозорини барқарорлаштиришини айтди.
Шанба, 3 сентябрь куни Швеция кенгроқ молиявий инқирозни бартараф этишга интилаётгани сабабли ўз коммунал хизматлари учун 23 миллиард долларлик фавқулодда ёрдамни эълон қилди.
Goldman Sachs Group компанияси турли хил ёрдам пакетлари эълон қилинишидан олдин кейинги уч ой давомида евро бўйича прогнозларини олдинги 99 сентдан 97 сентгача қисқартирди.
Евро курси олти ой давомида долларга нисбтанан пастроқ бўлиши кутилмоқда.
Изоҳ (0)