Bugun,

  • USD 11095.31
  • RUB 173.84
  • EUR 10772.44

Rossiyaning “Gazprom” kompaniyasi Yevropaga olib boradigan asosiy gaz quvuri rejalashtirilganidek qayta ochilmasligini ma’lum qildi. Bu esa mintaqani elektr tokining uzilishi va jiddiy tanazzulga yaqinlashtirdi, deb yozmoqda Bloomberg.

Foto: Bloomberg

Foto: Bloomberg

Quvur shanba kuni texnik xizmat ko‘rsatishdan so‘ng qayta ochilishi kerak edi. Biroq so‘nggi daqiqada kompaniya texnik nosozlik aniqlanganini va u tuzatilmaguncha quvur qayta ochilmasligini ma’um qildi. 

Bu qish oldidan Rossiya gaziga qaramlikni to‘xtatishga intilayotgan va Moskvaning energiya urushidagi keyingi qadamlarini kutayotgan Yevropa uchun katta zarba. Qit’a qishdan o‘tish uchun chora-tadbirlarni amalga oshirishga harakat qilar ekan, quvurning muddatsiz yopilishi yanada ko‘proq iqtisodiy tartibsizliklarga tahdid soladigan keskinlikdir, — deyiladi Bloomberg xabarida.

Narxlar bir yil oldingiga nisbatan to‘rt baravar yuqori bo‘lgan gaz inqirozi allaqachon Yevropa sanoatini to‘xtatishga majbur qilmoqda va yevro kursini pasaytirmoqda.

“Gazprom” gaz turbinasida gaz sizib chiqishi aniqlanganini aytdi, bu uni havoga isrof bo‘lishiga olib keladi va uni tuzatish qancha davom etishi haqida hech qanday ma’lumot yo‘q. 

Kecha, 2-sentabr kuni G7 mamlakatlari Rossiya neftining global xaridlari bo‘yicha narx chegarasini qo‘yishga qaror qilgan edi

“Gazprom”ning aytishicha, turbinalarni ishlab chiqaruvchi Siemens gaz sizib chiqqanini tasdiqlagan va ta’mirlash ishlarini olib borishi kerak. 

Ammo Siemens Energy kompaniyasining ta’kidlashicha, “Gazprom” tomonidan aytilgan gaz sizib chiqishi yetkazib berishni to‘xtatish uchun sabab emas. Kreml hech qanday izoh bermagan.

Yevropadagi energetika inqirozining keskin kuchayishi narxlar pasaygan paytda sodir bo‘ldi. Agar yetkazib berish to‘xtatilganicha qolsa, uy xo‘jaliklari va korxonalarni xavf ostiga qo‘yadi. 

Bu esa Rossiyaga qarshi urushda Ukrainani qo‘llab-quvvatlayotgan Yevropa iqtisodiyotini zaiflashtiradi.

Moskva allaqachon bir necha oydan beri gaz yetkazib berishni keskin qisqartirgan. Kreml xodimlarining ta’kidlashicha, Moskva ta’minotning qisqartirilishidan Yevropa yetakchilarini Kiyevni qo‘llab-quvvatlashlarini qayta ko‘rib chiqishga majburlash maqsadida siyosiy isyonni kuchaytirish uchun foydalanmoqda, — deydi Bloomberg. 

Yevropa Ittifoqi energiya bozorida narxlarni cheklash, elektr energiyasiga bo‘lgan talabni kamaytirish masalalarini va foydadan olinadigan soliqlarni qayta ko‘rib chiqmoqda. Ushbu harakatlar bu hafta narxlarni pasaytirishga yordam berdi.

Izoh
Asosiy yangiliklar
Madaniyat
“Xudodan qo‘rqmagan odamdan qo‘rqdim”. O‘zbekiston xalq artisti Bobomurod Hamdamov oilaviy nizolar tufayli ijara uyda yashamoqda (video)
Mahalliy
“Odamlar o‘limida o‘zimni aybdor hisoblamayman” — Nukusdagi tartibsizliklar yetakchisi Dauletmurat Tajimuratov
Mahalliy
Samarqandda o‘quvchining onasi “zamdirektor”ni kaltakladi